Издательский дом Редакция Подписка
Погода в Якутске: . -12 oC

Саха Өрөспүүбүлүкэтин Ил Түмэнин бэрэссэдээтэлин бастакы солбуйааччы Александр Жирков балаҕан ыйын 17 күнүгэр Уус Алдан улууһун Мүрү нэһилиэгин баһылыгын дуоһунаһыгар Василий Аммосов киириитин үөрүүлээх тэрээһинигэр Бороҕоҥҥо кытынна.

Саха Өрөспүүбүлүкэтин Ил Түмэнин бэрэссэдээтэлин бастакы солбуйааччы Александр Жирков балаҕан ыйын 17 күнүгэр Уус Алдан улууһун Мүрү нэһилиэгин баһылыгын дуоһунаһыгар Василий Аммосов киириитин үөрүүлээх тэрээһинигэр Бороҕоҥҥо кытынна.

Нэһилиэк баһылыгар үс хандьыдаат туруммута. 65.9% куолаһы ылан, Мүрү нэһилиэгин баһылыгынан 15 сыл устата үлэлии олорбут Василий Аммосов эрэллээхтик кыайда. Василий Иванович «Биир ньыгыл Арассыыйа» баартыйаттан турбута.

Жан1

Ил Түмэн бэрэссэдээтэлин бастакы солбуйааччы Александр Жирков бары баһылыктарга маннык туһаайан эттэ:

--Саха Өрөспүүбүлүкэтэ тэриллибитэ 100 сылын, саха норуота бэйэтэ судаарыстыбаннастаах буолбутун бэлиэтээтибит. Ааспыт кэммитин анааран көрдөххө, бэйэбит судаарыстыбаннастаах буолуубутун саҕалаатыбыт эрэ. Инники, бастакы эрэ үктэллэргэ сылдьабыт. Иннибитигэр судаарыстыбаннаһы бөҕөргөтүүгэ туох да сүрдээх улахан соруктар тураллар. Билиҥҥи буола турар быһыыга-майгыга бэйэбит сахабыт омугун дьылҕатын тэҥнии тутан көрдөхпүтүнэ, адьас ыйааһын бэскитигэр саха судаарыстыбаннаһын боппуруоһа ыйанан турар. Оннук түгэннэр кытта тиийэн кэлиэхтэрин сөбүн өйдөөтүбүт дии саныыбын.

Онон биһиэхэ, хас биирдиибит иннигэр, билигин даҕаны кылаан сорук быһыытынан саха омуга, Саха Өрөспүүбүлүкэтэ, саха судаарыстыбаннаһа баар буолуута уонна ол туһугар хас биирдиибит кыһаллыыбыт баар буолара ирдэнэр. Олору биир иилээччи, саҕалааччы – эһиги, нэһилиэк баһылыктара, буолаҕыт. Дьон-сэргэ бэйэтэ талан ылан, иннигэр туппут дьоно – ол эһиги буолаҕыт. Эһиги үлэҕититтэн-хамнаскытыттан, бэйэҕит омуккут, судаарыстыбаҕыт дьылҕатын хайдах өйдүүргүтүттэн уонна онно хайдах туруулаһарга бэлэмҥититтэн онтон улахан тутулуктаах. Ойуунускай эппитэ «өлөртөн өлбөт өй» диэн, ол эһиэхэ баар буолуохтаах. Кулаковскай эппитэ «ханнык даҕаны омук бэрдин кытта биһиги тэҥ муостаҕа туран, тумус тумуспутунан, сүүс сүүспүтүнэн тэҥҥэ анньыһар, киирсэр дьон буолуохтаахпыт». Ол эһигиттэн тутулуктаах. Эһиэхэ эрэлин биллэрбит дьоҥҥутун-сэргэҕитин хайдах иилээн-саҕалаан илдьэ сылдьаргыт, ыччаккытын хайа диэки туһаайаргыт – эһигиттэн улахан тутулуктаах. Күннээҕи күдээринэ дьон буолбатаххыт. Баһылык диэн аат эһиэхэ сүктэриллэр. Онон хас биирдиигитигэр ситиһиини баҕарабын. Бу тыллары өйдүү сылдьыҥ».

Жирков жАН Борогон 1

Санатан эттэххэ, быйыл балаҕан ыйын 11 күнүгэр нэһилиэктэр баһылыктарын уонна дьокутааттарын быыбара буолбута. Барыта 15 нэһилиэккэ баһылыктар, 20 нэһилиэккэ дьокутааттар талыллыбыттара.

Маны таһынан, Александр Жирков Махтал суруктары туттартаата. Ол курдук, Ил Түмэн бочуоттаах грамотатын Мүрү нэһилиэгин «Түһүлгэ» култуура уонна духуобунай сайдыы киинин дириэктэрэ Валентина Шадрина ылла.  Ил Түмэн Бэрэссэдээтэлин Махтал суругунан педагогическай үлэ бэтэрээнэ, РСФСР норуотун үөрэҕириитин туйгуна Анатолий Никифоров наҕараадаланна. Ил Түмэн бэрэссэдээтэлин бастакы солбуйааччы Махтал суругунан «Сэмэн» маҕаһыын атыыһыта, «Мүрү» түөлбэтин салайааччы Екатерина Слепцова, «Мындааба» сынньалаҥ киинин салайааччы, Мүрү нэһилиэгин дьокутаата, нэһилиэктээҕи «Эр хоһуун» аҕалар түмсүүтүн салайааччы Айаал Аргунов, урбаанньыт Егор Тарабукин наҕараадаланнылар.

Ил Түмэн пресс-сулууспата

  • 0
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23