Махтанарын үөрэ истибитим
Издательский дом Редакция Подписка
Погода в Якутске: . -40 oC

Быыбардар буолан аастылар. Астыммыт уонна астымматах, сөхпүт, соһуйбут да баар. Владимир Поскачин 94% ылбытын сөҕөн, бэл, биллиилээх диир дьонноруттан санааларын истэ сатыыллар эбит.

Быыбардар буолан аастылар. Астыммыт уонна астымматах, сөхпүт, соһуйбут да баар. Владимир Поскачин 94% ылбытын сөҕөн, бэл, биллиилээх диир дьонноруттан санааларын истэ сатыыллар эбит.

Роскчин

Кини кыайыытыттан адьас соһуйбатах мин баарбын. Үөһээ Бүлүүнү балачча билэбин. 1992 сыллаахха А.Чомчоев баһылыгынан анаммытыгар, көмө буола бара сылдьыбыттааҕым.

Оччолорго харчы да суох, ас да суох. Өл да төрөө, улууһу хараанныыр сорудах үөһэттэн баара. Бөһүөлэк иһэ күөрэ-лаҥкы, уулусса бадараан, нэһилиэктэргэ барар суол быстар мөлтөх, сорох сиргэ адьас да суох. Боотулууттан тиһиликтээх тыраахтар кэннигэр хатаастан, маарга-бадарааҥҥа батылла-батылла айаннаан, Сургуулугу нэһиилэ тыыннаах эрэ булбуттааҕым.
Дьэ, ити кэм ааспыта, сири-дойдуну сиҥнэрбит АЛРОСА аньыытын-харатын билинэн, дивиденд диэни төлүүр күнэ үүммүтэ. Аҕыс улуус сыл ахсын миллиард солкуобайга чугаһыыр харчыны олордон ылар буолбута. Ол харчыны сатаан үллэрэн туттар дьоҕурдаах буолуохха наада. Киһи эрэ ону сатаабат эбит, оттон В.Поскачин онно дьоҕурдааҕын дьонугар илэ-чахчы көрдөрдө.
Тыа киһитигэр биир бастакы кыһалҕа – суол. В.Поскачин суол оҥоһуутугар харчыны харыстаабатах, ол мин бадарааҥҥа батыллар Сургуулугум суолун оҥотторбутун сөҕөн да, төһөнү сөҕүөххүнүй. Триллион харчыны сыымайдыыр алмаас, ньиэп-гаас модун тэрилтэлэрэ итинниги оҥороллор, ама, оҥорбот буолуохтара дуо? Оттон кыра улуус холугар сөҕүмэр ситиһии!
Дьоно-сэргэтэ итини үрдүктүк сыаналыыра биллэрэ, быыбарга кыайыыта итиннэ сытар, ыһыаҕы, оонньууну тэрийбитэ манна самалык эрэ. Ыаллыы сытар Бүлүү улууһун салалтата суол оҥоһуутугар суолта биэрбэтин, дьон олус эрэйи көрөрүн санаатахха, Үөһээ Бүлүү итиннэ быдан инники кэрдиискэ тахсыбыта илэ көстөр.

алроса
Аны дивиденд туһунан аҕыйах тыл. Владимир Поскачин дивиденд харчыта мээнэ халлаантан түспэтин, “Бу – уопсастыбанньык экологтар үтүөлэрэ, илистиилээх мөккүөргэ кыайыыларын түмүгэ”, -- диирин истибитим.
Итинник санаалаах, мин көрүүбүнэн, соҕотох кини эрэ. Атын баһылыктар бэйэлэрэ сатабыллаахтык туруорсар эбэтэр Ил Дархан кыайа-хото кэпсэтэр буоланнар, харчы кэлэрин курдук өйдөбүлү соҥнуу сатыыллара сымыйа буолбатах.

Дьиҥ-дьиҥинэн АЛРОСА биэрэр харчыта Бүлүү сүнньүн чулуу уолаттара, кыргыттара сөпкө туруорсууларын түмүгэр кэлэр. Итини кырдьыгынан үрдүктүк сыаналыыр Владимир Поскачиҥҥа уопсастыбанньык экологтар махтаныах тустаахтар.


Иван БУРЦЕВ,

уопсастыбанньык эколог,

23.09.2022 с.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости