Нэһилиэк баһылыгын хас хамсаныыта - дьон хараҕын далыгар
Издательский дом Редакция Подписка
Погода в Якутске: . -2 oC

Балаҕан ыйын 16 күнүгэр Үөһээ Бүлүү улууһун баһылыктара, улуус дьаһалтатын эппиэттээх үлэһиттэрэ кыттыылаах Баһылыктар сүбэлэрин мунньаҕа буолан ааста.

Балаҕан ыйын 16 күнүгэр Үөһээ Бүлүү улууһун баһылыктара, улуус дьаһалтатын эппиэттээх үлэһиттэрэ кыттыылаах Баһылыктар сүбэлэрин мунньаҕа буолан ааста.

Улуус баһылыга Владимир Семенович Поскачин өрөспүүбүлүкэ үрдүнэн биир да улуус баһылыга урут этэ илик олус  үчүгэй этиитин оҥордо: "Тыа хаһаайыстыбатыгар бэриллэр үбүлээһин барыта нэһилиэк дьаһалталыгар барыаҕа, үп-харчы оннук эрэ сөпкө туһаныллар, көдьүүһэ элбэх уонна хонтуруоллаах буолуоҕа. Нэһилиэк баһылыга үбү-харчыны уорбат! Кини хас хамсаныыта дьон хараҕын ортотугар сылдьар!" -- диэбитин икки-үс болдьох тухары үлэлээн кэлбит салайааччылар үөрэ иһиттибит, саҥа талыллыбыт нэһилиэк баһылыктара Владимир Семенович ити тоһоҕолоон уонна күүскэ эппитин эмиэ дириҥник өйдөөтүлэр.

index 7

 Кырдьык, нэһилиэк баһылыктара уорбаттарын таһынан, нэһилиэккэ улахан хамнастаах дьон буолбатахтар эбээт. Кинилэр хамнастара  оскуола уонна кулууп дириэктэрдэрин хамнастарыттан кыра, нэһилиэк үлэтин-хамнаһын иннигэр төһө даҕаны толору эппиэтинэһи сүктэллэр даҕаны.

Маны таһынан нэһилиэк баһылыга ханнык даҕаны атын хайысханан дьарыктанарын сокуон көҥүллээбэт. Мунньахха А.В. Антонов (Ороһу), С.И. Дмитриев (Балаҕаннаах), А.А. Оконосов (Быракаан) тыл эттилэр.

 Ороһу нэһилиэгин баһылыга А.В. Антонов саҥа талыллыбыт нэһилиэк баһылыктарыгар туһаайан: "Дьон-сэргэ туһугар күүскэ ылсан үлэлээҥ. Эһиги былааһы ыллыбыт дии сананымаҥ. Дьиҥэр, ол былааспыт биһиэхэ суох даҕаны.  Ону үлэлээн бардаххытына билиэххит. Биһиги дьон ортотугар кими даҕаны күүскэ этэр бырааппыт да суох курдук, үлэбит-хамнаспыт дьон хараҕын далыгар сылдьар", -- диэтэ.

 Улуус баһылыгын солбуйааччы Н.Ф. Гурьева, Владимир Семенович быыбар иннинээҕи программатыгар олоҕуран, нэһилиэктэр социальнай- экономическай сайдыыларыгар туһаайыыларын туолуутугар сүрүн болҕомтону ууран, ыйыы-кэрдии оҥорбутун бары сэргээн иһиттибит. Бу хайысхаҕа күүскэ ылсан үлэлиэхпит диэн санааҕа толору кэллибит.

ппппп

Быыбар бүттэ, үлэ саҕаланна. Улууспут баһылыга Владимир Семенович Поскачин тула түмсэн, кэлэр 5 сылга улууспут социальнай-экономическай сайдыытын туһугар үлэни-хамнаһы тэнитэн ыытарбыт олох ирдэбилэ буолла!!!

Балаҕаннаах нэһилиэгин баһылыга, СӨ норуотун хаһаайыстыбатын үтүөлээх үлэһитэ

Степан Дмитриев.

 Балаҕан ыйын 17 күнэ, 2022 сыл.

  • 14
  • 0
  • 0
  • 0
  • 2
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости