Бу боппуруос алтынньы 11 күнүгэр парламент истиитигэр көрүллэн, бырабыыталыстыбаҕа, уонна министиэристибэлэргэ сүбэ оҥоһуллубут. Алтынньы 14 күнүгэр кэмитиэт мунньаҕар уураах барыла бэлэмнэммит.
– Айсен Николаев VIII «Азия оҕолорун» Дьокуускайга ыытар туһунан муударай быһаарыыны ылынна. Билигин хайдах геополитическай быһыыга-майгыга олорорбутун, аан дойду спортивнай тэрилтэлэрэ Арассыыйа спордугар хайдах сыһыаннаһалларын бары өйдүүбүт. Онон бу күрэхтэһии Арассыыйа Федерацията, ол иһигэр Саха Өрөспүүбүлүкэтэ, спорт хамсааһыныгар аһаҕастарын аан дойду, бастатан туран Азия-Тиихэй акыйаан уопсастыбаннаһыгар көрдөрөр түһүлгэлэрэ буолар. Ону дьоһуннук көрсөргө бэлэмнэниини билиҥҥиттэн саҕалаан, үбүлээһини 2023 сыл бүддьүөтүгэр иккис ааҕыыга көрүөхтээхпит, — диэтэ парламент спикерэ Алексей Еремеев.
СӨ бырабыыталыстыбатын бэрэссэдээтэлэ Андрей Тарасенко «Азия оҕолорун» бырагырааматыгар өрөспүүбүлүкэ икки көрүҥү: тыынан устууну уонна баарыстаах спорду киллэрэргэ былаанныырын РФ Спорт федеральнай министиэристибэтэ өйөөбүтүн иһитиннэрдэ.
- 0
- 0
- 0
- 0
- 0
- 0