Саха Сирин Баhылыга Айсен Николаев эрдэ бэлиэтээбитин курдук, бу дойдулар икки ардыларынааҕы күрэхтэhиилэр ѳйдѳнѳн хаалар событиенан буолуохтара, оттон кыттааччылартан үгүстэрэ хайа эрэ кэминэн аан дойду спордун сулустара буолан, планета саамай үрдүк спортивнай наҕараадаларын ылыахтара.
Турнирга 2003-2005 сыллардаах тѳрүѳх кыргыттар уонна уолаттар икки ардыларыгар барыта 10 кэмпилиэк наҕараада оонньонно.
Кыайыылаахтар ортолоругар – Арассыыйа спортсменнара Александра Копылова, Диана Антропова, Евгения Огородникова, Кыргыс Киш-Кулаа, Кристина Братчикова, Лилияна Рожина, Мария Силина, Баир Баяндуев, Тамир Ешинимаев, Владимир Баяновский, Аслан Келехсаев бааллар.
Кинилэртэн Александра Копылова, Евгения Огородникова, Лилияна Рожина, Владимир Баяновский – саха тустууга оскуолатын иитиллээччилэрэ.
Күрэхтэргэ Азербайджантан, Арменияттан, Беларусь Ѳрѳспүүбүлүкэтиттэн, Грецияттан, Индияттан, Ирантан, Казахстантан, Кыргызстантан, Монголияттан, Узбекистантан, Таджикистантан, Молдоваттан, Арассыыйаттан, дойду юниорскай сборнайын киллэрэн туран, 260 спортсмен кытынна.
Кѳбүѳргэ аан бастаан кыргыттар тахсыбыттара турнир устуоруйатыгар бу сыллааҕы күрэхтэhиилэр уратыларынан буолла.
Олимпийскай чѳмпүйүѳн, ССРС спордун үтүѳлээх маастара, ССРС, Арассыыйа үтүѳлээх тренердэрэ Роман Михайлович Дмитриев кэриэhигэр ыытыллыбыт кѳҥүл тустууга юниордар уонна юниоркалар ортолоругар норуоттар икки ардыларынааҕы күрэхтэhиилэр Саха Сиригэр физкултуурунай хамсааhын 100 сылыгар ананнылар.
СИА хаартыскалара
-
0
-
0
-
0
-
0
-
0
-
0
