Улууска успуорт эбийиэктэрэ - Ньурба к. 3000 миэстэлээх трибуналаах стадион, бассейннаах физкултуурунай-чэбдигирдэр комплекс, Антоновкаҕа 50 миэстэлээх интэринээттээх успуорт күѳн кѳрсүүлэрин саалата, ытыы комплекса, Чаппандаҕа, Сүлэҕэ уонна Күндээдэҕэ успуорт саалалара тутуллуохтара. Билиҥҥи туругунан, Ньурба куоратыгар сылаас манежтаах стадион тутуута саҕаланна.
Бэйэ-бэйэлэриттэн ырааҕа суох тутуллуохтаах эбийиэктэр нэhилиэнньэ, спортсменнар дьарыктаналларыгар табыгастаах буолуоҕа уонна улууска маассабай успуорт сайдыытын кѳҕүлүѳҕэ.
Оонньууларга бэлэмнэнии чэрчитинэн кэккэ социальнай эбийиэктэр тутуллуохтара. Ол иhигэр Ньурбаҕа Киин балыыhа эмтиир куорпуhа, 360 миэстэлээх оскуола, ууну ыраастыыр ыстаансыйа, Антоновкаҕа 288 миэстэлээх начаалынай оскуолаҕа эбии тутуу уонна 150 миэстэлээх уhуйаан, Маарга 170 миэстэлээх норуот айымньытын Киинэ бааллар. Ону таhынан, Чуукаар-Малдьаҕар-Маалыкай-Хатыы хайысхаҕа айан суола тупсарыллыаҕа, Куоначчаан үрэххэ муоста тутуллуоҕа, онтон да элбэх ѳрѳмүѳн үлэтэ барыаҕа.
-
0
-
0
-
0
-
0
-
0
-
0
