Издательский дом Редакция Подписка
Погода в Якутске: . -14 oC

Биһиги хаһыаппыт эрэдээксийэтэ Улуу Кыайыы 75 сылын, Саха Өрөспүүбүлүкэтин парламенын 25 сылын уонна хаһыаппыт 20 сыллаах үбүлүөйүн көрсө  былырыын Кэҥкэмэ үрэххэ тиийбиппит.

Биһиги хаһыаппыт эрэдээксийэтэ Улуу Кыайыы 75 сылын, Саха Өрөспүүбүлүкэтин парламенын 25 сылын уонна хаһыаппыт 20 сыллаах үбүлүөйүн көрсө  былырыын Кэҥкэмэ үрэххэ тиийбиппит.

Быйыл от ыйын 19 күнүгэр Улуу Кыайыы 75 сылыгар анаммыт бэлисипиэтинэн айаммытын хатылаатыбыт. Биллэн турар, коронавирус утары дьаһалынан, кыттааччылар ахсааннарын хааччахтыырга быһаарыммыппыт.

1111

Офис үлэһиттэрэ 100-чэкэ км тэптилэр

Бу эстафета сүрүн сыала – эдэр көлүөнэни патриотическай тыыҥҥа иитии, дьону-сэргэни чөл олоххо тардыы.

Биһиги кэлэктиипкэ бэлисипиэт тэбээччи сыл ахсын элбээн-эбиллэн иһэр. Ол курдук, быйылгы ыраах айаҥҥа хаһыат сахалыы таһаарыытын эрэдээксийэтиттэн Ирина Ханды (суруналыыс), Сардаана Кузьмина (суруналыыс), Василий Прокопьев (дизайнер) уонна Татьяна Васильева (урукку кэллиэгэбит) туруннубут. Бииргэ үлэлиир дьоммутун көҕүлээн, хамаандабытыгар түөрт киһи буолан сырыттыбыт. Эрдэттэн быһаарыллыбыт "Дьокуускай-Кэҥкэмэ-Дьокуускай"  хайысханан, быһа холоон 100 килэмиэтири, маннык айаҥҥа баай уопуттаах Ирина Ханды салайыытынан офис үлэһиттэрэ тиритэ-хорута айаннаатыбыт, сындылҕаннаах  сырыыны, хайабыт да хаалбакка, бары бииргэ түмүктээтибит.

0332eba1 3c32 4d72 91f2 6536c0d7add6

 Тоҕо  чуолаан Кэҥкэмэҕэ?

Санатар буоллахха, 1983 сыллаахха Виталий Миронов диэн геолог киһи Дьокуускайтан Дьааҥы хайатын бэлисипиэтинэн уҥуордуур санаатын олоххо киллэрбитэ. Төрдүө буолан, ол иһигэр биир дьахтар, муус устарга, хаары-силлиэни аахсыбакка, Дьааҥы хайатын дабайбыттара. Кинилэр бу сырыыларын Улуу Кыайыыга анаабыттара. Бу санаатахха, сүрдээх да хорсун быһыы эбит. Киһи сөҕүөн курдук. Оччотооҕу бэлисипиэт билиҥҥи курдук табыгастаах оҥоһуулаах, барытыгар бэлэмнээх, араас моһуоннаах буолбатах эбээт!

P.S. Маннык аахсыйалар ыччакка биир бастыҥ холобурунан буолаллар. Билигин бииргэ үлэлиир кэллиэгэлэрбит, бэлисипиэт атыылаһан, үлэ чааһын кэннэ, биитэр өрөбүллэргэ айылҕа устун тэбэ тахсабыт. Киһи этэ-хаана ноҕуруускаҕа үөрэнэр. Кылаабынайа, тиһигин быспакка дьарыктаныахха наада.

34dfc55a ad47 4ebd bfba 272df59eb234

Былырыыҥҥы бэлисипиэтинэн айан туһунан манна киирэн ааҕыахха сөп http://old.sakhaparliament.ru/sakha-post/ha-yiat-20-syila/26818/

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением