Павел Ксенофонтов, Ил Түмэн дьокутаата:
- Мин аҕам, Валерий Николаевич Семенов, Саха Өрөспүүбүлүкэтин көҥүл тустууга үтүөлээх тириэньэрэ. Эдэр сааһыттан Саха сирин 1-кы нүөмэрдээх спордун сайыннарыыга тириэньэр үлэтигэр, этэргэ дылы, олоҕун бүтүннүү анаата. Кини үлэлии сылдьан тириэньэр статуһа педагогтан намыһахтык тутулларыттан хом саныырын мэлдьи этээччи. Ол гынан баран, өрөспүүбүлүкэбит салалтата, тириэньэрдэр төһө даҕаны спорт үлэһиттэригэр киллэрилинэллэр, кинилэргэ өрөспүүбүлүкэ үөрэҕин тиһигинэн хамнастарын уонна туох баар чэпчэтиилэрин хаалларбытын хайгыахха эрэ сөп. Аны билигин федеральнай таһымҥа сөптөөх быһаарыы, хойутаан даҕаны буоллар, ылыллан эрэрэ кэрэхсэбиллээх.
Роман Пахомов, Бэрдьигэстээх сэлиэнньэтигэр “Өрөспүүбүлүкэтээҕи олимпийскай эрэллэри бэлэмниир спорт оскуолата” СӨ СБТ дириэктэрэ:
- Биһиги оскуолабыт 2013 сыллаахтан өрөспүүбүлүкэтээҕи статустаммыта, онтон 2019 сылтан спорка бэлэмниир 12 оскуола иһигэр киллэриллибитэ. Онон Үөрэх министиэристибэтиттэн таһаарыллан, Спорт уонна физкултуура министиэристибэтиттэн үбүлэнэбит. Онон билигин тириэньэр-преподаватель буолбакка, аҥаардас тириэньэр дэнэр. Манна 13 тириэньэр үлэлиир. Тириэньэрдэр хамнастара иитиллээччилэрин спорка көрдөрүүлэриттэн тутулуктаах. Олимпиеһы эбэтэр Арассыыйа чөмпүйүөнүн иитэн таһаарыы – уустук сорук. Иккиһинэн, сүүйтэрбиппит диэн, эрдэ үлэлии сылдьааччыларга педагогическай ыстаастара быстан хаалбыта эбэтэр ааҕыллыбат буолбута. Бэрэсидьиэн В.Путин ити этиитэ биһиги тириэньэрдэрбитигэр сыһыаннаах буолан, олоххо түргэнник киллэриллэригэр баҕарабыт.
-
0
-
0
-
0
-
0
-
0
-
0
