Мас тардыһыытын норуоттар икки ардыларынааҕы федерациятын бэрэсидьиэнэ Александр Акимов саҥа докумуоҥҥа илии баттыыр баҕалааҕын туһунан биллэрбит. Бэлиэ күн күнүн-дьылын бүтүн аан дойдуга бу успуорт көрүҥүн бэлэхтээбит саха норуотугар ытыктабыл быһыытынан талбыттар.
Бу түгэҥҥэ сыһыаран бырааһынньык бэлиэтэ уонна сахалыы, нууччалыы уонна аангылыйалыы тылларынан өрөгөй ыарыата оҥоһуллара былааннанар. Александр Акимов президиум мунньаҕар мас тардыһыытын норуоттар икки ардыларынааҕы федерациятын 10 сылыгар уонна Саха сиринээҕи федерациятын 25 сылыгар аналлаах үбүлүөйдээх тэрээһиннэри Саха АССР 100 сыллаах үбүлүөйүгэр анаан 2022 сылга тэрийэллэригэр этии киллэрбит.
Билигин исписэлиистэр мас тардыһыытын сүрүн өйдөбүллэрин уонна быһаарыыларынан оҥоро сылдьаллар. Мас тардыһыытын аан дойдутааҕы аатын көҥүл тустууга олимпийскай чемпүйүөн Роман Дмитриев толкуйдаабыта. “Мас” диэн саха тылыгар “рестлинг” (киирсии) диэн аангылыйалыы тылы эбэн биэрэн, саҥа өйдөбүлү үөскэппитэ биллэр.
-
0
-
0
-
0
-
0
-
0
-
0
