Издательский дом Редакция Подписка
Погода в Якутске: . -12 oC

Ил Түмэн тыа сирин уонна аграрнай бэлиитикэтигэр сис кэмитиэтин бэрэссэдээтэлэ Андрей Находкин Мэҥэ Хаҥалас улууһугар Сылгыһыт күнүн көрсө ыытыллыбыт тэрээһиннэргэ кыттыыны ылла. 

Ил Түмэн тыа сирин уонна аграрнай бэлиитикэтигэр сис кэмитиэтин бэрэссэдээтэлэ Андрей Находкин Мэҥэ Хаҥалас улууһугар Сылгыһыт күнүн көрсө ыытыллыбыт тэрээһиннэргэ кыттыыны ылла. 

Сылгы үөрүн иитии – Саха Сирин ураты киэн туттуута, омук баайа-дуола, итиэннэ түҥ былыргыттан илдьэ кэлбит дьарыга. Өрөспүүбүлүкэҕэ сылгы иитээччилэр идэлээх бырааһынньыктара аан бастакытын 2017 сыллаахха бэлиэтэммитэ. 

Быйыл Мэҥэ Хаҥаласка ыытыллыбыт тэрээһин Саха АССР уонна СӨ тыа хаһаайыстыбатын министиэристибэтэ тэриллибиттэрэ 100, ону тэҥэ улууска сопхуостар тэриллибиттэрэ 55 уонна Хара нэһилиэгин 385 сылларыгар ананна. 

Улуус тэрээһиннэрин чэрчитинэн, Петровка сэлиэнньэтигэр «Күн Дьөһөгөй» диэн сылгы сиэлиттэн оҥоһуктарга быыстапка турда, ону оҥорорго маастар-кылаас ыытылынна, сылгы үөрүн иитии боппуруостарыгар мунньах тэрилиннэ, итиэннэ “Сылгыһыт күрэҕэ” диэн сылгыһыттар күрэхтэрин оройуоннааҕы түһүмэҕэ буолла. 

Норуот дьокутаата Андрей Находкин тэрээһин үөрүүлээх аһыллыытын кэмигэр сыл түмүктэрэ таһаарыллыбытын уонна Саха Сиригэр сылгы үөрүн иитиигэ өҥөлөрүн иһин наҕараадалааһын буолбутун иһитиннэрдэ. Салгыы мунньахха бэнсиин, гөрүүчэй сыаната ыараханын, бүтэйи тутуу, мэччирэҥҥэ сир тиийбэтин, сылгы баазатын тутууга аукциоҥҥа кыттыы уустуктарын, өртөөһүнү көҥүллээһин курдук тыын боппуруостар көрүлүннүлэр.  

Уопуттаах сылгыһыт Михаил Егоров салайыытынан Мэҥэ Хаҥаласка сылгыһыттар ассоциациялара ситиһиилээхтик үлэлиирин, туруоруллубут боппуруостар чахчы суолталаахтарын бэлиэтээтэ. Сылгы үөрүн иитиини сайыннарыы эйгэтигэр үлэлээччилэргэ биир дойдулаахтарын көхтөөхтүк өйүүллэригэр махтанна.  

Сылгыһыттар күрэхтэрин оройуоннааҕы түһүмэҕин кыайыылааҕынан Тараҕай нэһилиэгин хамаандата буолан, салгыы улуус чиэһин Ньурба Антоновкатыгар ыытыллыахтаах өрөспүүбүлүкэтээҕи күрэххэ көмүскүө. 

Санатар буоллахха, сылгыны иитээччилэр күннэригэр анаммыт тэрээһиннэр Ньурба улууһугар кулун тутар 21-22 күннэригэр ыытыллыахтара. Бастакы күн Чаппанда сэлиэнньэтигэр сылгы үөрүн иитиигэ бэлэмниир, үөрэтэр уонна квалификацияны үрдэтэр үөрэх киинэ арыллыа. Ону тэҥэ сылгы үөрүн иитии боппуруостарыгар мунньах ыытыллыа. 

Иккис күҥҥэ  саха боруодата уонна сиэнчэр диэн арааран, хамаанданан ат сүүрдүүтэ, итиэннэ үгэскэ кубулуйбут «Сылгыһыт күрэҕэ» өрөспүүбүлүкэтээҕи сүһүөҕэ ыытыллыахтара. Тэрийээччилэринэн СӨ Тыа хаһаайыстыбатын министиэристибэтэ, Ньурба улууһа уонна  "Сахаагроплем" судаарыстыбаннай бүддьүөт тэрилтэтэ буолуохтара. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23