Дыбарыаһы тутуу Саха АССР 100 уонна М.К. Аммосов төрөөбүтэ 125 сылларыгар туһуламмыт 2020-2022 сс. сүрүн дьаһал былааныгар киллэриллибитэ.
Үс мэндиэмэннээх дьиэ оройуон үрдүнэн уһулуччулаах – 5 тыһ. тахса кв.м. иэннээх. Үбүлээччитэ - «Саха Өрөспүүбүлүкэтин кэлэр көлүөнэлэр пуондата». Эбийиэк тутуута 2020 с. муус устар ыйыттан саҕаламмыта уонна бүгүҥҥү күҥҥэ 70% кэриҥэ бэлэм.
Нам улууһун дьаһалтатын оробуочай сүбэ мунньаҕар эбийиэк тутуутун хаамыытын боппуруостара дьүүллэһилиннилэр. Сүбэ мунньахха СӨ Култуураҕа уонна духуобунаска миниистирэ Юрий Куприянов, «РДР» СЗ ХЭО дириэктэрэ Дмитрий Поисеев, «Саха Өрөспүүбүлүкэтин кэлэр көлүөнэлэр пуондата» генеральнай дириэктэрин солбуйааччы Михаил Керемясов, «Нам улууһа» МТ баһылыгын солбуйааччы Анатолий Павлов кытыннылар.
Нам улууһун баһылыга Юрий Слепцов Култуура уонна духуобунай сайдыы дыбарыаһын саҥа эбийиэгин иһинэн А.Ф. Шестаков аатынан Норуот айымньытын дьиэтэ, Нам бөһүөлэгин икки ардыларынааҕы сүрүннүүр бибилиэтиэкэ, П.И. Сивцев аатынан Намнааҕы историко-этнографическай түмэл киирэллэрин бэлиэтээтэ. «СПДС» ХЭО оҥорбут тас фасадын дизайн-бырайыага бигэргэннэ, билиҥҥи кэмҥэ оробуочай бырайыага оҥоһулунна.
-
1
-
0
-
0
-
0
-
0
-
0
