Семинар улуус мунньаҕын Сэбиэтин быыбардыыр уокуруктарын 7 нэһилиэгэр ыытылынна. Санаттахха, балаҕан ыйын 11 күнүгэр Уус Алдан оройуонугар олохтоох салайыныы уорганнарыгар 15 баһылыктар уонна бэрэстэбиитэллээх уорганнар дьокутаттарын быыбара ыытыллыбыта. Барыта 192 нэһилиэк сэбиэттэрин дьокутааттара талыллыбыттара.
Семинарга олохтоох бүддьүөтү ырытан оҥоруу, толоруу уонна бигэргэтии боппуруостара, муниципальнай хамсаабат баай-дуол бэрээдэгин, муниципальнай тус сыаллаах бырагыраамалары ырытан оҥоруу уонна олоххо киллэрии туһунан дьүүллэстилэр. Саҥа талыллыбыт дьокутааттарга боломуочуйаларын, эбээһинэстэрин уонна үлэ көрүҥнэрин мэктиэлэрин туһунан балаһыанньалар быһаарылыннылар.
«СӨ Бэрэсидьиэнин иһинэн инновационнай менеджмент Үрдүкү оскуолата» ГАУ «судаарыстыбаннай уонна муниципальнай салалта» кафедратын сэбиэдиссэйэ Алена Кардашевская муниципальнай сулууспалаахтар дохуоттарын, олохтоох салайыныы уорганнарын дуоһунастаах дьоннорун дохуоттарын уонна ороскуоттарын туһунан ыспыраапкалары толорууга методическай рекомендациялары сырдатта.
Семинар истээччилэригэр «СӨ Бэрэсидьиэнин иһинэн инновационнай менеджмент Үрдүкү оскуолата» ГАУ сертификата туттарылынна. Холбоһуктаах үлэ чэрчитинэн 2023 сылга Уус Алдан улууһун олохтоох бэйэни салайыныы уорганнарыгар стратегическай сессияны ыытыы быланнанна.
-
0
-
0
-
0
-
0
-
0
-
0
