Итэҕэлбит эргийэр киинэ, куппутун-сүрбүтүн иитиэхтиир Олоҥхобут дьиэтэ сарсыардаттан сахалыы маанытык таҥныбыт, үөрбүт-көппүт, сэргэх сирэйдээх-харахтаах оҕолорунан туолбута көрөргө олус да үчүгэй! Кинилэр буоллахтара тылбыт баайын, итэҕэлбит күүһүн, историябыт дьиҥин, култуурабыт кэрэтин салгыы илдьэ хаалар кэнчээри ыччаппыт! Оҕолор салайааччыларын көрдөххө, чахчы даҕаны, бары кэлэр көлүөнэ туһугар ыалдьар, долгуйар дьон эбиттэр! Тэрээһин сүрүн ыалдьыттарынан аатырбыт олоҥхоһуппут сиэннэрэ Любовь уонна Гаврил Шелковниковтар буоллулар. Кинилэр конференцияны тэрийсэн, кыттааччыларга значок, блокнот бэлэхтээн, кыайыылаахтарга бэртээхэй бириистэри олохтоон, конференция таһымын үрдэттилэр. Дакылааттары истии 5 хайысханан барда. 
Т8
Түмүк өр кэтэһиннэрбэккэ таҕыста. Хайысхаларынан кыайыылаахтар ааттаннылар:
“Олоҥхо уонна олоҥхоһуттар”
1 үрдэл – Янис Сысолятин, Лөгөй лицейин 7 кылааһын үөрэнээччитэ (сал. Саргылана Протодьяконова);
2 үрдэл – Сардаана Иванова, Анетта Сыроватская, Дүпсүн орто оскуолатын 5 кылааһын үөрэнээччилэрэ (сал. Ньургуйаана Сивцева);
3 үрдэл – Арылхан Макаров, Тумул орто оскуолатын 2 кылааһын үөрэнээччитэ (сал. Акулина Сокольникова);
3 үрдэл – Виолетта Иванова, Тумул орто оскуолатын 2 кылааһын үөрэнээччитэ (сал. Людмила Аввакумова).
Итини таһынан ситиһиилээхтик кыттыбыт оҕолорго Анал ааттар туттарылыннылар. Ол курдук, “Бастыҥ салайааччы” анал ааты Дүпсүн орто оскуолатын учуутала Ньургуйаана Сивцева ылла.
“Тылы чинчийии”
1 үрдэл – Мира Гуляева, Чараҥ орто оскуолата (сал. Антонина Бурцева);
2 үрдэл – Сандаара Сивцева, Мүрү 2 №-дээх орто оскуолатын 4 кылааһын үөрэнээччитэ (сал. Людмила Карамзина, Афанасий Карамзин);
3 үрдэл — Алексей Находкин, нэһилиэнньэ социальнай көмүскэлин кэлим киинин стационарнай отделениетын куруһуогун иитиллээччитэ (сал. Евдокия Максимова). Сомоҕо домоҕу оҕолорго тарҕатыыга ылсан эрэр Мира Гуляеваҕа улуустааҕы “Кэскил түһэ” ийэ тыл түмсүүтүн анал бирииһэ туттарылынна.
“Фольклор көрүҥнэрэ”
1 үрдэл – Алексанна Петрова, нэһилиэнньэ социальнай көмүскэлин кэлим киинин стационарнай отделениетын куруһуогун иитиллээччитэ (сал. Дьулустаан Заболоцкай);
2 үрдэл – “Чуораана” бөлөх, Мүрү 1 -дээх орто оскуолата (сал. Екатерина Парникова);
3 үрдэл – Мүрү 1 №-дээх орто оскуолатын 5 кылааһын үөрэнээччилэрэ (сал. Мария Аммосова);
3 үрдэл – Света Андросова, Вилена Лугинова Мүрү 2-дээх орто оскуолатын 4 кылааһын үөрэнээччитэ (сал. Людмила Карамзина).
“Өбүгэбит төрүт үгэһэ”
1 үрдэл – Виктория Макеева, Мүрү 2-дээх орто оскуолатын 8 кылааһын үөрэнээччитэ (сал. Надежда Васильева);
2 үрдэл – Егор Тогонохов, Мүрү 2-дээх орто оскуолатын 4 кылааһын үөрэнээччитэ (сал. Людмила Карамзина);
3 үрдэл – Алексей Находкин, нэһилиэнньэ социальнай көмүскэлин кэлим киинин стационарнай отделениетын куруһуогун иитиллээччитэ (сал. Евдокия Максимова).
“Иис уонна уус түһүлгэтэ”
1 үрдэл – Карина Сысолятина, нэһилиэнньэ социальнай көмүскэлин кэлим киинин стационарнай отделениетын куруһуогун иитиллээччитэ (сал. Зоя Сивцева);
2 үрдэл- Нарыйа Басыгысова, Чараҥ орто оскуолатын 6 кылааһын үөрэнээччитэ (сал. Клара Крылова);
3 үрдэл – Данил Алексеев, Мүрү 2-дээх орто оскуолатын 6 кылааһын үөрэнээччитэ (сал. Надежда Васильева).
Анал ааты Мындааба спортивнай орто оскуолатын 9 кылааһын үөрэнээччитэ Сааскылаана Решетникова ылла (сал. Вария Решетникова).
Кыайыы кынаттаммыт оҕолор ис-истэриттэн сырдаан, үөрэн чоҕулуҥнаспыт харахтарыттан ордук туох баар буолуой?! Конференция төгүрүк остуолунан түмүктэннэ. Онно кыттааччылар төрөөбүт тыл, итэҕэл уонна норуот тылынан уус-уран айымньытын тула санааларын үллэһиннилэр.
Любовь Гаврильевна уонна Гаврил Гаврильевич эһэлэрин туһунан истиҥник аҕыннылар, бу суолталаах тэрээһин иһин махтаннылар. Төгүрүк остуол кыттыылаахтара бүгүҥҥү конференция үрдүк таһымҥа ааспытын чорботон бэлиэтээтилэр уонна тэрийээччилэргэ барҕа махтал тылларын анаатылар. Кинилэр саамай улахан баҕа санаалара – ийэ тылбытын, итэҕэлбитин бары бииргэ тутуспутунан, түмсүүлээхтик тэҥҥэ харыстаан, кэлэр көлүөнэҕэ чөл тириэрдии.
Светлана БУРЦЕВА, уопсастыбаннай кэрэспэдьиэн, "Мүрү саһарҕата".
-
0
-
0
-
0
-
0
-
0
-
0
