Улуус үөрэҕириитин «Уруок» сылыгар аналлаах «Үөрэх-сайдыы суолунан» диэн «Уолан» түмэл эйгэтин уруога 5-9 кылаас уолаттарыгар анаан ыытылынна. Бу дьаһалы салайааччы Р.В. Охлопкова, педагог-библиотекарь Р.В. Андросова тэрийэн ыыттылар.
В.А. Протодьяконов-Кулантай аатынан түмэл салайааччыта Клара Анатольевна Крылова, түмэл пуондатын үлэһитэ Диана Николаевна Бурцева ыалдьыттаатылар.
Уруоктар сэргэхтик аастылар, уолаттар сонун информациялары истэннэр астыннылар, таайбараҥ түмүгүнэн, бэһис-алтыс кылаастар бөлөхтөрүгэр Неустров Антон (6 “а”), сэттис-ахсыс кылаастарга – Павлов Ефим (7 “б”), ахсыс «б” уона тохсус кылаастарга – Готовцев Алексей түмэл анал бириистэрэ туттарылынна.
Уоланнарбыт норуот дьоһун уолаттара буолан үүнүөхтэрэ, үгэстэрбитин сайыннарыахтара диэн эрэнэбит!
Рея Охлопкова, “Уолан” түмэл салайааччыта, Саха Өрөспүүбүлүкэтин үөрэҕириитин туйгуна, РФ орто үөрэхтээһинин бочуоттаах үлэһитэ, Уус Алдан улууһун Бочуоттаах олохтооҕо.
Хаартыскалары ааптар ыытта.
-
0
-
0
-
0
-
0
-
0
-
0
