Бу киин сүрүн сыала – тыа сирин оскуолатыгар бэйэ кыаҕынан оҕолорго саҥа технологиялары наука төрүттэригэр олоҕуран билиһиннэрии, практическай хабааннаах үлэни тэрийии буолар.
Ол чэрчитинэн, бу күннэргэ, биир бастакынан биотехнология хайысхатынан гидропоника «Сити-фермерство» лабораторията үлэтин саҕалаан, төгүрүк сыл устата «Мальго» диэн улахан астаах дьэдьэн сордун олордон, бастакы үүнүүнү ылары ситистэ. Проект авторынан буолар робототехника куруһуок салайааччыта Николай КОТОКОНОВ. «АгроНУЛ» киин иһинэн ессе агрономия, ветеринария, химическай анализ лабораториялара үлэлэрин саҕалаатылар. Манна «Вита» естественнай предметтэр учууталлара Евгения ГОГОЛЕВА, Вероника БУБЯКИНА, Евдокия ПРИБЫЛЫХ, производственнай үөрэхтээһин маастардара Варвара РУМЯНЦЕВА, Сардана АЛЕКСЕЕВА уонна оскуола «Кэскил» СХПК үлэһитэ Леля ГОГОЛЕВА үөрэнээччилэри кытта тэҥҥэ чинчийэр-үөрэтэр, кэтээн көрөр үлэлэри ыыталлар, «WorldSkills» компетенцияларын баһылыыллар.
Саҥа арыллыбыт киин үлэтэ кэҥээн, оҕону үөрэххэ интэриэһин тардар, инники ылар идэтин таларыгар көмөлөөх буолуо диэн эрэнэбит.
Ирина Михайловна ПЕТУХОВА, Суотту орто оскуолатын дириэктэрэ
-
2
-
0
-
0
-
0
-
0
-
0
