Издательский дом Редакция Подписка
Погода в Якутске: . -37 oC

Улуустартан тэттик сонуннар

Улуустартан тэттик сонуннар

Кириһиэнньэтээҕи тохсунньу 18 күнүгэр киэҥ нэлэмэн Сахабыт Сирин бары муннуктарыгар олох бэйэтин хаамытынан баран иһэр. Хаарынан бүрүллүбүт түҥ тайҕа быыһыгар бүкпүт кыракый дэриэбинэлэргэ, ыраах уһук производственнай учаастактарга үлэһит идэлээх дьон бэйэлэрин күннээҕи сонуннарыттан, күн-дьыл хайдаҕын туһунан үллэстэллэр.41

Ол курдук, бүгүн Саха норуотун поэта, прозаик, драматург, РФ культуратын үтүөлээх үлэһитэ, ССРС уонна СӨ суруйааччыларын сойуустарын Иван Михайлович Гоголев-Кындыл төрөөбүтэ 95 сылын (1930)  Бүлүү улууһугар киэҥник бэлиэтииллэр. 

38

37Суруйааччы күн сирин көрбүт Чочу нэҺилиэгин оскуолатыгар үөрэнээччилэр, учууталлар бу бэлиэ даатаны үөрэ-көтө бэлиэтээтибит, халлааммыт -45 кыраадыс диэн биллэрэллэр.

32

Оттон Бүлүү улууһун Кыргыдайыгар «бүгүн тымныыбыт баар - 45 кыраадыс турар» диэн ыыталлар.

35

Чысхаан тымныытынан аатырар Өймөкөөн Томторун олохтооҕо  кыраадыһынныьыгын хаартыскаҕа түһэрэн  «-50 туочуна баар» диэн саарбахтаабаттыы суруйбут.

33Эмиэ тымныытынан батарбат ыаллыы Үөһээ Дьааҥы сылгытынан аатырар Остуолба сэлиэнньэтин олохтооҕо судургутук  «биһиэхэ күн аайы-48» диэн чопчулаабыт.

31

Кэбээйи улууһун хайалаах өртүгэр ыраах учаастакка үлэлиир эр бэрдэ -38 кыраадыс турар диир.

34Таатта Ытык Күөлүттэн түннүгүн өҥөйөн олорон уһаайбатын хаартыскалаан ыытааччы «тумана суох» диэн халлаан сылыйар сибикилэммитин бигэргэппит.

40

39Ыраах таас Дьааҥы быыһыттан Эбээн-Бытантай улууһун Кустуур нэһилиэгиттэн Надежда Слепцова Угаров кыраадыһынньыгынан -40 турарын түһэрэн ыытар.

Ону кытта бүгүн бу нэһилиэккэ улуустааҕы саха омук төрүт оонньуулара, мас тардыһыытын турнира ыытылла турарын биллэрэр.

Хаартыскалар:  ааптардар анаан тиксэриилэринэн

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением