Сыаҥааннаах баһылыга Олег Петрович Корякин, Уолбут баһылыга Эдуард Валентинович Сергеев иистэнньэҥнэрин, кинилэр үлэлэрин түмэн, таҥнан-симэнэн, анаан оҥостон, улахан суолта уурбуттар.
Ураһалаах, Белай Гора маастардара суолталаах тэрээһиҥҥэ дьоннорун түмэ тардыбыттар.
Култуура управлениета улууска быйыл биллэриллибит Норуот уус-уран оҥоһуктарын сылын сэргэхтик саҕалаата. Улуус иистэнньэҥнэрин үлэлэрин өйөөн, киэҥ араҥаҕа билиһиннэрбитэ эһиил быйылгытааҕар элбэх саха таҥаһа сэлэлээн хаамыыга кыттарыгар эрэли үөскэтэр, илиилэригэр талааннаах дьон элбииригэр олук уурар.
Норуот маастардарын күнэ республикаҕа Ил Дархан ыйааҕынан 2012 сылтан кулун тутар 5 күнүгэр ыытыллар. Сыл аайы кыттааччыта-көрөөччүтэ элбээн, таһыма өссө үрдээн иһэр. Инникитин биһиги маастардарбыт Дьокуускай куоракка сэлэлии хаамыыга кытталларыгар баҕарыаҕыҥ.
Абый улууһун пресс-сулууспата.
- 0
- 0
- 0
- 0
- 1
- 0