“Чурапчы” ТХПК бырабылыанньатын бэрэссэдээтэлэ Николай Аржаков кэпсииринэн, быйыл «Чурапчы» ТХПК 7600 тонна үүтү соҕотуопкалыахтаах. Тохсунньуга уонна олунньуга былаан 12,6 тоннанан аһара туолбут, барыта 453,4 тонна үүт туттарыллыбыт. Кини билигин ааспыт сыллааҕар 80,5 тоннанан элбэх үүт соҕотуопкаламмытын бэлиэтээтэ. Кулун тутарга үүтү тутуу былаана 197,6 тоннаҕа тэҥ этэ, ол былааны 220,5 тоннанан толорбуттар.
Нэһилиэктэр сыахтара бары санитарнай нуормалары тутуһан үлэлииллэр. Кооператив үлэһиттэрэ кутталлаах ыарыыттан көмүскэнэр сириэстибэлэринэн хааччыллыбыттар. Атыылаһааччылар сөптөөх ырааҕы тутуһалларын курдук, кассаҕа өстүөкүлэ хахха оҥоһуллубут. Кассирдар эмиэ мааскаларынан, эрэһиинэ бэрчээккилэринэн хааччыллыбыттар. Дьон мааскалаах киириэхтээхтэрин туһунан маҕаһыыннар ааннарыгар кытаанах сэрэтэр биллэриилэр ыйаммыттар.
-
0
-
0
-
0
-
0
-
0
-
0
