Бу сылгга 457553 туонна от бэлэмнэниллиэхтээх. От ыйын 12 күнүнээҕи туругунан, улуустарга 1603 туонна от оттоммут. Быйыл сүөһү аһылыгын бэлэмнээһин хампаанньата эрдэ саҕаланан, былаан болдьоҕун иннинэ туолан иһэр.
Улуустартан киирбит дааннайдары үөрэтэн көрөн баран, быйылгы 457,5 тыһ. туонна оттонуохтаах оттон 364 тыһыынча туонната эрэ ылыллыан сөбүн быһаарбыттар. Томпо, Уус Алдан, Өймөкөөн, Ньурба, Өлүөхүмэ, Сунтаар, Чурапчы, Хаҥалас, Амма, Нам уонна Мэҥэ Хаҥалас улуустарыгар былааннаммыт оттон аҕыйах от оттоноро сабаҕаланар.
Маны таһынан Ньурба, Таатта уонна Томпо улуустарыгар ойуур баһаара ходуһалары ылбыт.
Бу балаһыанньаны учуоттаан улуустарга мобильнай биригээдэлэри тэрийэллэр. Биригээдэлэр бэйэлэрин улуустарын эбэтэр таһынааҕы улуустарын ыраах сытар ходуһаларыгар оттуохтара. Амма, Бүлүү, Горнай, Кэбээйи, Мэҥэ Хаҥалас, Нам, Ньурба, Өймөкөөн, Өлүөхүмэ, Сунтаар, Таатта, Томпо, Уус Алдан, Хаҥалас, Чурапчы улуустарыгар тэриллиэхтэрэ. Былаан быһыытынан 33627 туонна оту оттуохтара.
-
0
-
0
-
0
-
0
-
0
-
0
