От ыйын 19 күнүгэр СӨ бырабыыталыстыбатын бэрэссэдээтэлэ Андрей Тарасенко хотугу улуустарга навигация боппуруостарынан мунньах ыыппыт.
Навигация саҕаланыаҕыттан уопсайа 774 тыһыынча туонна таһаҕас тиэйиллибит, ол онтон 488 тыһыынча туонната – бородуукталар, табаардар.
СӨ нэһилиэнньэтин олоҕо-дьаһаҕа куттала суох буолуутун хааччыйар судаарыстыбаннай кэмитиэт иһитиннэрбитинэн, быйылгы навигацияны тэрийэргэ кэккэ уустуктар бааллар – ойуур баһаарыттан үөскээбит буруо тарҕаммыта, Амма, Бүлүү уонна Халыма өрүстэрин таһыма түспүтэ, Дьабарыкы-Хайаҕа чоҕу хостооһун кээмэйэ кыччаабыта. Ол иһин тиэрдиллиэхтээх чох сорох кээмэйин Сангаартан уонна Зырянкаттан ыларга быһаарбыттар. Онон аартыка навигациятын кэмигэр Зырянкаттан Дьааҥы бөлөх улуустарга 50 тыһынча туонна чоҕу тиэрдэргэ сорук турар.
-
0
-
0
-
0
-
0
-
0
-
0
