Урукку дьылларга куобахпыт 9-11 сыл буола-буола айылҕабыт, күммүт эргийэринэн сынньана-сынньана үөскүү турара. Куобах эстибит сылларыгар айылҕа киһиттэн тутулуга суох куобах үөскүүрүгэр бэлэмниирэ.
Ол курдук маҥнай өһүөн дьыллары түһэрэн, тымнытан, ыарытан куобаҕын сыыйа аҕыйатара. Киһи мунна баппат титирик ойуурдарга биирдии “тимир” куобах хаалыан тухары. Аны ол кэмнэргэ эмиэ араас халыҥ хаары, куһаҕан хаһыыны оҥорон сылгытын эмиэ аччатара. Онтон кураан сыллары аҕалан, баһаардары үөскэтэн, саҥа, сибиэһэй аһылыгы таһаарара. Дьэ, онтон кураан сылларга куобах үөскээбитинэн барара. Сорох сыл арҕааттан, сорох сыл илинтэн үөскээн барааччы. Онтон аччыыр кэмнэригэр соҕуруу эбэтэр хоту баран сүтээччи.
Айылҕабыт бу ааспыт баһаардар кэннилэриттэн хайдах буолла? Туох улахан уларыйыылар күүтэллэрий? Куобахпыт хайдах буолуой? Хаһан, хайдах үөскүөн сөбүй?
Тыа киһитэ сүөһү ииттэн, онон аһаан-таҥнан олорорун тэрийиэххэ. Улууска куобаҕы үөскэтэргэ бырагыраама да оҥоруохха сөп этэ. Дьааҥыбыт маанылаах куобаҕа үөскүүрүгэр бары кыһаныахха уонна көмөлөһүөххэ. Көтөрбүт-сүүрэрбит үөскээтэҕинэ, элбээтэҕинэ, бэрээдэктээхтик бултуу үөрэниэххэйиҥ.
Сылгыһыт Уола.
Суруйууну сиһилии Верхоянья.рф саайка киирэн ааҕыҥ.
-
0
-
0
-
0
-
0
-
0
-
0
