Ол курдук, билиҥҥи кэмҥэ саамай тирээн турар боппуруоһунан бөһүөлэк дьиэлэрин киин ититэр ситимҥэ холбооһун буолар. Бу бырагыраама чэрчитинэн, быйыл куонкуруһу ааһан, 1,5 мөлүйүөн солк. субсидия көрүллүбүтэ. Итиннэ Мэҥэ нэһилиэгин бүддьүөтүттэн 400 000 солк. эбии үбүлээн, итиэннэ олохтоохтор 100 000 солк. хомуйан уганнар, киин ититэр систиэмэҕэ холбонорго бэлэмнэнэн, 2 000 000 солк. суумаҕа олохтоох дьаһалта магистральнай турбалары Хабаровскай куораттан атыыласта. Ону "Авангард" ООО тэрилтэ, аукциону кыайан, нэһилиэкпитигэр диэри бэрт түргэнник аҕалан биэрдэ. Онон былааннаммыт үлэлэр олоххо сыыйа киирэн эрэллэр.
Билигин кэлэр сылга куонкуруска кыттаары, бэлэмнэнии үлэтэ саҕаланна. Ол курдук, билиҥҥи балаһыанньаны учуоттаан, куйаар ситиминэн ханнык бырайыагынан аны кыттыахха сөбүн быһаарар ыйытык ыытылла турар. Ол кэнниттэн бырайыагы талар түмүктүүр уопсай мунньах сэтинньи 18 күнүгэр буолуоҕа. Онно хайысхатын бигэргэтиэхтэрэ.
Олохтоох дьаһалтаҕа бу үлэлэргэ көхтөөх уопсастыбыньыктар, тэрилтэлэр уонна түөлбэлэр салайааччылара күүс-көмө буолаллар.
Мария Захарова,
Балыктаах, Мэҥэ Хаҥалас.
-
0
-
0
-
0
-
0
-
0
-
0
