Балыктаах култуура киинигэр түөлбэлэр икки ардыларыгар "Идэһэ киэһэтэ-2021" быыстапка-дьаарбаҥка тэрилиннэ.
Билиҥҥи ирдэбили толору тутуһан, олохтоохтор өр мустубакка-көрсүспэккэ сылдьан баран, дьэ, көрсөн сэргэхсийэн, кулууп үлэһиттэрин эҕэрдэ нүөмэрдэрин ытыс тыаһынан көрүстүлэр.
Түөлбэлэртэн бастыҥ хаһаайыстыбалаах дьиэ кэргэттэр бэйэлэрин үлэлэрин-хамнастарын слайданан көрдөрө-көрдөрө сиһилии билиһиннэрдилэр.
Ол курдук, "Аартык түөлбэттэн" Ньургун Владимирович, Яна Ильинична Габышевтар, "Лесной” түөлбэттэн Илья Егорович, Христина Иннокентьевна Мохначевскайдар, "Нагорнай” түөлбэттэн Айтал, Яна Яковлевна Васильевтар, "Сайдыс” түөлбэттэн Олег Васильевич, Елена Ивановна Стручковтар, "Сүрэх тыа” түөлбэттэн Гаврил Иванович, Евдокия Васильевна Дьяконовтар кытыннылар.
Түөлбэлэр араас аһы астаан аҕалан, остуол муҥунан тардан кэбистилэр, турар миэстэлэрин сахалыы киэргэтэн, көстүүтүн тупсардылар.
Дьүүллүүр сүбэ кэрийэн көрөн сыаналаата. Бастакы миэстэҕэ таҕыста -- "Сайдыс түөлбэ" (сал. Попова А.В, Семёнова М.М), иккискэ -- "Лесной" (сал. Гоголева Е.В.), үһүскэ -- "Сүрэх тыа” “сал. Ноговицына Н.Г.”).
Аны "Оригинальнай бүлүүдэ" күрэҕэр бастакы Е.В.Дьяконова бастаата, Т.Е.Иванова иккистээтэ, Т.С. Цыденжапова үһүстээтэ.
"Хартыынаны тилиннэр" диэн биир интэриэһинэй күрэххэ бастакы миэстэ -- "Лесной", иккис -- "Аартык", үһүс -- "Сүрэх тыа".
"Көрдөөх стартар" спортивнай күрэххэ түөлбэлэртэн кытыннылар. I м --"Лесной", II м. -- "Нагорнай" , III м. -- "Аартык", IV м. --"Сайдыс", V м. --"Сүрэх тыа" .
Кыайыылаах "Лесной" түөлбэ олохтоох дьаһалта бирииһин тутта-- биир куул балыгы! Бу киэһэ атыылаан, элбэх дохуоту киллэрэн, анал бирииһи С.Д.Катакинова ылла. Элбэх ыалы кытыннаран, “Бастыҥ түөлбэ” анал бириискэ "Аартыктыктар” тигистилэр (сал. Стручкова С.С.).
Бу киэһээҥҥи биэчэргэ, куонкурустарга бириистэри туруордулар: олохтоох урбаанньыттар Игорь Васильевич уонна Игорь Игоревич Стручковтар, Зинаида Софроновна уонна Владимир Владимирович Цыпандиннар, Александра Николаевна, Владислав Владимирович Цыпандиннар.
Бу тэрээһини олохтоохтор сүрдээҕин сэргээтилэр-хайҕаатылар, ыллаан-туойан, үҥкүүлээн, бары астынан тарҕастылар.
Онон уопсай түмүккэ I миэстэ --"Сүрэх тыа” (сал.Ноговицына Н.Г.), II миэстэ -- "Лесной" (сал. Гоголева Е.В.), III миэстэ -- "Аартык" (сал. Стручкова С.С.) буоллулар.
-
0
-
0
-
0
-
0
-
0
-
0
