Улуус салайааччыта Федор Борисов этэринэн, олорор дьиэни атыылаһыыга эбэтэр тутууга уопсай суума 13658391, 60 солк. “Быйылгы сылга сертификаттар Бэстээх, II Дьөппөн, Хачыкаат, Уулаах Аан, Мохсоҕоллоох, Булгунньахтаах, I Дьөппөн, Өктөм, Покровскай куорат дьиэ кэргэттэригэр бэриллиэхтэрэ”, – диэн иһитиннэрдэ кини. Сертификаттар, биир сиргэ дьону мунньубакка эрэ, куттал суох буолуутун бары ирдэбиллэрин тутуһан туттарыллыахтара.
“Эдэр дьиэ кэргэттэри олорор дьиэнэн хааччыйыы” муниципальнай бырагыраама 2007 сылтан ситиһиилээхтик олоххо киирэр. Эдэр ыалларга аналлаах бырагыраамаҕа федеральнай, өрөспүүбүлүкэтээҕи уонна олохтоох бүддьүөттэртэн кыттыгас үбүлээһин суотугар социальнай төлөбүрдэри биэрии көрүллэр. Онон 35-гэр диэри саастаах, олорор усулуобуйаларын тупсарыыга наадыйар хас биирдии эдэр дьиэ кэргэн бырагыраама кыттыылааҕынан буолуон сөп.
-
0
-
0
-
0
-
0
-
0
-
0
