МО дьаһалтатын пресс-сулууспата иhитиннэрэринэн, бөлөххө улуус тэрилтэлэрин салайааччыларын сэргэ, улууска үлэлиир федеральнай уонна өрөспүүбүлүкэ тэрилтэлэрин салайааччылара эмиэ киирэллэр.
Бу күҥҥэ отчуоту Хатыы, Маалыкай, Малдьаҕар, Өҥөлдьө, Чуукаар уонна Киров олохтоохторо иhиттилэр, санааларын эттилэр. Ону таhынан бэйэлэрин боппуруостарынан тус приемҥа сырыттылар. Дьону нэhилиэктэргэ хаарбах дьиэттэн кѳhѳрүү бырагырааматын олоххо киллэриигэ, тыа хаhаайыстыбатыгар, сири нүѳлсүтүүгэ, суол-иис ѳрѳмүѳнүгэр, үрэхтэри туоруур муосталары тутууга, мэдиссиинэ каадырдарынан хааччыйыыга уо.д.а. сыhыаннаах боппуруостар долгуталлар.
Тохсунньу 30 күнүгэр диэри улуус салалтата Сүлэ, Дьиикимдэ, Ньурбачаан, Хатыҥ Сыһыы, Хорула, Дьаархан, Үөдэй, Хаҥалас, Акана, Маар, Күндээдэ, Чаппанда, Антоновка уонна Ньурба куорат нэhилиэнньэтигэр отчуоттуоҕа.
-
0
-
0
-
0
-
0
-
0
-
0
