.jpg.jpg)
Сааскы кэм барахсан сайаҕас саҥастыы санаалыын ыраас, эйэҕэс эбээлии эҕэрдэтэ эгэлгэ, ийэлии истиҥ иһирэх ил эйэ тыыннаах, сааскы кэм барахсан көҕүлүүр күүһэ соҥуорбукка, мунчаарбакка күүһү, бэйэҕэ эрэли бэлэхтиир. Дьыбардаах сарсыарда олоххо туох даҕаны босхо бэлэх буолан ытыскар түспэтинии үчүгэй, үтүө барыта туруулаһан туран тургутууну аастахха, дьирээлэһэн, дьулуһан туран иннин диэки бардахха кэлэрин туоһута буоллаҕа. Саҕаламмыт күн сайаҕас, үүммүт күн эйэҕэс буоллун. Үөрэ-үөрэ үмүөрүһэн, астына-астына алтыһан, сэргии-кэрэхсии сэргэстэһэн таарыйбыта талба, оҥорбута оһуор-мандар ойуулаах, тикпитэ дьикти кэрэ талааннаах-дьоҕурдаах дьоммут түмсэ түһэн тоҕуоруспут, муста түһэн кыттыспыт көрүөхтэн кэрэ үлэлэрин сөҕө-махтайа көрүөҕүҥ, сүрэхтиин -быардыын ылыныаҕыҥ, сымныаҕыҥ, сырдыаҕыҥ.
Хаартыска: https://catalog-photo.ru/%D0%B2%D0%B5%D1%81%D0%BD%D0%B0-%D0%B2-%D1%8F%D0%BA%D1%83%D1%82%D0%B8%D0%B8-%D1%84%D0%BE%D1%82%D0%BE/
-
0
-
0
-
0
-
0
-
0
-
0
