Хараҥаны халбарытан, бүдүгүрбүтү сырдатан, иҺийбити сэргэхситэн, чуумпурбуту уйгуурдан, улам-улам суҺуктуйан, сыыйа-баайа сырдаан саҥа күммүт сарсыардата үүннэ. Сыл биэтэгэр кэлбиччэ, дьыл түмүктүүр түһүмэҕэр үктэммиччэ оҥорбуттан ситэрбиттэн- хотторбуттан дуоһуйуоҕуҥ, саныаҕыҥ, ситтэрбэтэҕэ ээ, кэлин буоллун диэн кэтэххэ анньыбакка, табыллыбатаҕа ээ тохтоотун диэн долбуурдаабакка сатанар өттүн санаан, буолуохтаах өттүн тутуһан ылсыбыты ыксарыах, туппуту тупсарыахха.
Хараҥаны халбарытан, бүдүгүрбүтү сырдатан, иҺийбити сэргэхситэн, чуумпурбуту уйгуурдан, улам-улам суҺуктуйан, сыыйа-баайа сырдаан саҥа күммүт сарсыардата үүннэ. Сыл биэтэгэр кэлбиччэ, дьыл түмүктүүр түһүмэҕэр үктэммиччэ оҥорбуттан ситэрбиттэн- хотторбуттан дуоһуйуоҕуҥ, саныаҕыҥ, ситтэрбэтэҕэ ээ, кэлин буоллун диэн кэтэххэ анньыбакка, табыллыбатаҕа ээ тохтоотун диэн долбуурдаабакка сатанар өттүн санаан, буолуохтаах өттүн тутуһан ылсыбыты ыксарыах, туппуту тупсарыахха.
Түүтэх саҕа да үтүөттэн үөрүөххэ, кып кыраттан кыырайан тахсыахха. Ис турук этэрин тас турук уйдун, өй-санаа уйарыттан эт- хаан элэйбэтин. Хайдаҕый бу диэҥҥэ хайаан даҕаны хардалаах тугуй бу диэҥҥэ токкоолоһон туран тоҕотун быҺаарар эппиэттээх буолуоҕуҥ. Хомойбут түгэни хоннорбокко, кыыһырбыт түгэнтэн ааллара сылдьыбакка үөрүүлээх өттүн өрө тутуохха, ситиһиилээх өттүн ситимниэххэ. Илии иһиттэн тахсыбыт ичигэҺинэн илгийдин, астына-астына айбыппыт айхалланнын, дуоһуйа оҥорбуппут уруйданнын. Тайанар саннылаах, тутуһар тоҥолохтоох буолуоҕуҥ, ордугургуур, омнуолуур санаа отуорабытын хамсаппатын.
Ааптар хаартыскаҕа түһэриитэ.
1
0
0
1
0
0
