Саҥа Дьылы көрсө талааннаах суруналыыс, суруйааччы Ангелина Васильева – Дайыына фэнтези жанрынан суруллубут «Аптаах таас» диэн сэһэн кинигэтэ таҕыста.
«Дьиэ кэргэнинэн ааҕыы аҕыйаабыт кэмигэр фэнтези сэһэн тахсыбыта кинигэни ааҕарга интэриэһи үөскэтэр. Оҕо эйгэтигэр ураты дьоҕурдаах, суруйар талааннаах эрэ дьон үлэлииллэр. Айар идэлээх дьон кырачаан киһи уйулҕатын өйдүүр ийэ, эбэ, эбэтэр оҕоҕо табаарыс-дьүөгэ курдук айымньы ис хоһоонун арыйаллар. Наһаа уустаан-ураннаан ойуулаатахха, оҕо өйдүө суоҕун сөп, онон судургутук суруйар ордук. Ийэлэр киэһэ оҕоҕо ааҕан иһитиннэрэллэригэр маннык кинигэлэр элбии турдуннар», — диэн «Чохоон» интернет-канаал эрэдээктэрэ Лия Барбасытова кинигэ сүрэхтэниитин кэмигэр санаатын үллэһиннэ.
«Офсет» хампаанньа атыыга салаатын салайааччыта Айталина Крылова тэрилтэ сылга ортотунан 300-чэкэ кинигэни таһаарарын, онтон 65% сахалыы сурулларын туһунан кэпсээтэ. Дьон төрүччүттэн саҕалаан, улуус баһылыктарын отчуоттарын, уус-уран айымньылары таһаараллар.
Куорат оҕото сахалыы төрүт тылынан ааҕара аҕыйаан турар кэмигэр маннык кинигэ күн сирин көрбүтэ кэрэхсэбиллээҕин бэлиэтээтэ.
Онон Саҥа Дьыллааҕы уһун сынньалаҥҥа оҕолоргутугар «Аптаах тааһы» бэлэх ууннаххытына, бары дьиэ кэргэнинэн алыптаах дьикти дойду аанын сэгэтэн, сүрүн геройдары кытта тэҥҥэ мүлчүргэннээх сырыыга уйдарыаххыт.
-
2
-
0
-
0
-
0
-
0
-
0
