Ол эрэн кэрэҕин эбээт сырдаатар сырдаан иһэр, уһаатар уһаан иһэр күн сырдык чээрэтэ, сааскы кэм күлүм чаҕыл кэмэ. Эйиэхэ, сааскыга үөрэн, тылларга - тиллэргэ, тыылларга- хабылларга баһаам баҕалаах үрэҕи, өрүһү кыйа үүммүт иилии тутуспут иирэ талах, алааска ханарыһа хаамар хампа күөх хатыҥнар, чагдаҕа чарапчылана турар бэртээхэй уолаттар бэстэр, биитэр аар тайҕа харабыла тэҥкэ тииттэр, сииктээх сири сирийэ үүммүт долохуналар, эбэтэр кэрэ сэбэрэлээх ол эрэн дьөлө анньар иннэлээх уктаах дөлүһүөн тыал- куус, силбиэтэнэр силлиэ, сарсыардааҥҥы дьыбар буолар тургутууларгын, үтэн-анньан көрүүгүн тулуйаллар. Кэтэһии кэрэ кэминэн, күүтүү күндү түгэнинэн түмүктэнэн күөҕү көҕүлүөхпүт, сэргэхсийиини олохтуохпут диэн эркин курдук экчи эрэнэллэр.
Тоҕотун токоолоспокко, хайдаҕын билбэккэ хайыстыҥ да хайгыыр харах, эргийдиҥ да эйэргиир көрүү баара - СААСКЫ КЭМ!
Туруохха, олоруохха, чэбдигириэххэ, сааскы саҥа күн үүннэ.
Хаартыска СИА.
-
0
-
0
-
0
-
0
-
0
-
0
