Аарыктаах аргыар алаас устун айаннаата, айанньыкка суолга- иискэ суоһурҕанна. Арай айылҕаттан анаммытынан, айыылартан ыйдарыллыбытынан холку, мындыр саха киһитэ барахсан санаарҕаабакка, санньыйбакка сабыта бэрдэрбэккэ баары баарынан ылынан бардыытаатыҥ ээ баттанан хаалбакка,ордоотоотуҥ ээ тохтоон турбакка оҥорбутун курдук оҥоро, айбытын курдук айа-тута сылдьыа турдаҕа иннин диэки айанныа буоллаҕа.
Кыраттан даҕаны үөрэр аналлаах, сап даҕаны саҕаттан салҕанар дьылҕалаах, кыл даҕаны саҕаттан кытаахтаһан күөрэйэр идэлээх өбүгэбит барахсан көлүөнэттэн көлүөнэҕэ биэрбитинэн тулуйан да туран тупсарга, туруулаһан да туран туораан хаалбакка, дьирээлэһэн да туран бэриммэккэ хайаан даҕаны хайҕаллаах хайысханы, өрүүтүн сөптөөх өттүн тутуһан бытарыйан ыһыллан хаалбакка ис-тас туруктуун бүтүн, өйдүүн-санаалыын сыалай.
Орто дойду олоҕор баар үрүҥ хара мөккүөрүн, үтүө мөкү моргуорун кэмигэр мунан-тэнэн хаалбакка, муҥкук санааҕа ылларбакка, күннээҕиттэн да күттүөннээҕи, көдьүүстээҕи булуохха, инникигэ эрэниэххэ, сырдыкка талаһыахха. Кыайыы да кыайтарыы да ыйааһыннарын уйуохха, табыллыы да сыыстарыы да күннэрин тулуйуохха, ырытар-анаарар буолуохха,тоҕотун токкоолоһуохха, хайдаҕын ыйыталаһыахха.
Хаартыска эрэдээксийэ архыыбыттан.
-
0
-
0
-
0
-
0
-
0
-
0
