Издательский дом Редакция Подписка
Погода в Якутске: . -11 oC

Ааспыт сыл Арассыыйаҕа Өйдөбүнньүк уонна Албан аат, өрөспүүбүлүкэҕэ Дойдуга бэриниилээх буолуу сылларынан биллэриллибиттэрэ. Бу икки өйдөбүллэр бэйэ-бэйэлэрин ситэрсэн-хоторсон биэрэллэр. 2020 сылга итиннэ аналлаах үгүс тэрээһиннэр ыытыллыбыттара. Олортон биирдэстэринэн -- Ил Түмэн иһинэн ыччат парламена уонна ыччат, физическэй култуура уонна спорт дьыалаларыгар сис кэмитиэтэ тэрийэн ыыппыт “Мин – патриоппун” диэн 5-11-с кылаас үөрэнээччилэригэр аналлаах куонкурус буолар.

Ааспыт сыл Арассыыйаҕа Өйдөбүнньүк уонна Албан аат, өрөспүүбүлүкэҕэ Дойдуга бэриниилээх буолуу сылларынан биллэриллибиттэрэ. Бу икки өйдөбүллэр бэйэ-бэйэлэрин ситэрсэн-хоторсон биэрэллэр. 2020 сылга итиннэ аналлаах үгүс тэрээһиннэр ыытыллыбыттара. Олортон биирдэстэринэн -- Ил Түмэн иһинэн ыччат парламена уонна ыччат, физическэй култуура уонна спорт дьыалаларыгар сис кэмитиэтэ тэрийэн ыыппыт “Мин – патриоппун” диэн 5-11-с кылаас үөрэнээччилэригэр аналлаах куонкурус буолар.

Ааспыт сыл ахсынньытыгар куонкурус түмүгүн таһаардылар. Оттон куонкурус туһунан билиһиннэрэр буоллахха, 2020 сыл сэтинньи 30 күнүттэн ахсынньы 11 күнүгэр диэри ыытыллыбыта. Оҕолор дойдуга бэриниилээх буолуу өйдөбүлүн арыйар хаартысканан, видеонан үлэлэрин уонна өйтөн суруйууну ыыппыттар. Ол курдук үс номинациянан киирбит үлэлэри сыаналаабыттар – “Бастыҥ хаартыска”, “Бастыҥ видео”, “Бастыҥ өйтөн суруйуу”.

Ил Түмэн иһинэн ыччат парламенын бэрэссэдээтэлин солбуйааччы, “Мин – патриоппун” өрөспүүбүлүкэтээҕи куонкурус тэрийэр кэмитиэтин бэрэссэдээтэлэ Антон Васильев бу курдук кэпсээтэ:

--Ыччат парламена маннык хабааннаах куонкуруһу өрөспүүбүлүкэ үрдүнэн аан бастакытын тэрийэн ыытта. Уопсайа араас улуустартан, куораттан 200-тэн тахса үлэ киирбитэ. Быйыл пандемиянан сибээстээн, куонкуруһу дистанционнай ньыманан ыыппыппыт. Электроннай почтаҕа кэлбит үлэлэри анал инстаграм сирэйигэр таһаарбыппыт. Бу тэрээһини олус интэриэһинэйдик тэрийдибит. Кыттааччылар үлэлэрин ыыталларынан эрэ муҥурдамматахтара, кинилэргэ “Мин – патриоппун” диэн тиэмэҕэ анаарар кыах бэриллибитэ. Оҕолор уонна кинилэр учууталлара биһигини, тэрийэр хамыыһыйаны, кытта сибээстэрин туппуттара, үгүс ыйытыылары биэрбиттэрэ. Бу куонкуруһу сылын аайы ыытыахпыт.

Кыайыылаахтар өйтөн суруйууларыттан быһа тардыы

Динара Павлова, Сунтаар улууһун политехническай лицей-интернатын 7 “А” кылааһын үөрэнээччитэ: “Мин төрөөбүт сирим – Сунтаар. Сунтаары XXI үйэҕэ мин хайдах буолуоҕун көрөбүнүй? Сахалар олохторун-дьаһахтарын үөрэппит чинчийээччи Вацлав Серошевскай килиимэтэ сымнаҕаһынан, быйаҥнаах сыһыылардааҕынан, Өлүөнэ өрүскэ чугаһынан Бүлүү уокуругун киининэн Сунтаар буолуон сөбүн ыйбыт. Сунтаар улууһугар сири оҥоруу, тыа хаһаайыстыбатынан дьарыктаныы үгэстэрэ умнуллубаттар. Биһиги улууспутугар элбэх биллиилээх дьон олорон, үлэлээн ааспыттар. Мин Сунтаар Бүлүү өрүс кытылын устунан тэнийэр кэрэ айылҕатынан киэн туттабын. Киэҥ сыһыыларбыт, дьэҥкир уулаах күөллэрбит, хара тыаларбыт киһини сөхтөрөллөр. Сунтаарга ыалдьытымсах, үтүө дьон олороллор. Дойдубутунан киэн туттар санаабыт биһиэхэ, эдэр ыччакка, төрөөбүт улууспут сайдыытын туһугар үлэлиирбитигэр күүс-уох биэрэр. Сотору эдэр көлүөнэ Саха

сиригэр олоҕу бэйэтин эппиэтинэһигэр ылыаҕа. Биһиги бэйэбит улууспут, өрөспүүбүлүкэбит сайдарын туһугар үлэлииргэ соруктанабыт. Киһи аймахха үтүө үлэбитинэн бэлиэ суолу-ииһи хаалларыахпытын, дьоллоох олоҕу тутуохпутун баҕарабыт. Мин төрөөбүт улууһум сайдарыгар эрэнэбин. Орто уонна аччыгый биисинэс атаҕар туруоҕа, тыа хаһаайыстыбатын бородууксуйатын оҥорон таһаарыы салаата сайдыаҕа”.

Дарья Апханова, Мииринэй оройуонун 8 №-дээх орто оскуолатын 10 “А” кылааһын үөрэнээччитэ: “Биһиги Арассыыйа оҕолоро буоларбытын, дойдубутун көмүскээччилэрэ, үлэһиттэрэ, дойду устуоруйатын тэрийээччилэрэ буоларбытын өйдүөх тустаахпыт. Мин санаабар, ис сүрэҕиттэн патриот буолар киһи дойдутун итэҕэстэрин ылынан туран таптыахтаах. Кини дойдутун устуоруйатын, өбүгэлэрин ытыктыахтаах, култууратын, төрөөбүт тылын харыстыахтаах. Кини атын норуот култууратын убаастыахтаах, бэйэтин киэнин сөбүлүөхтээх. Холобур, биһиги оскуолабытыгар араас национальностаах оҕолор үөрэнэллэр. Биһиги хаһан да атааннаспатахпыт, бэйэ-бэйэбитин убаастыыбыт, доҕордуу быһыыны сыаналыыбыт, уустук кэмҥэ бэйэ-бэйэбитигэр көмөлөһөбүт. Оскуолабытыгар норуоттар бэстибээллэрэ буолаллар. Хас биирдии оҕо бэйэтин норуотун култууратын, аһын-үөлүн, тылын-өһүн билиһиннэрэр. Мин санаабар, бу түгэҥҥэ дойдунан киэн туттуу санаата киирэр. Бэйэтин норуотун силиһин сүтэрбит киһи дууһатын сүтэрэр дии саныыбын”.

Куонкурус түмүгүнэн кыайылаахтарынан буоллулар:

Өйтөн суруйууга: 1 миэстэ -- Павлова Динара, Сунтаар; 2 миэстэ -- Ефремова Виолетта, Хатыыстыыр, Алдан оройуона; 3 миэстэ -- Елисеев Никита, Сэргэ-Бэс, Амма улууһа;

Үрдүкү кылаастарга: 1 миэстэ -- Апханова Дарья, Мииринэй к.; 2 миэстэ -- Сивцев Игорь, Бээрийэ, Ууус Алдан улууһа; 3 миэстэ -- Алексеев Артемий, Аллараа Бэстээх, Мэҥэ Хаҥалас улууһа.

Хаартысканан үлэлэргэ: 1 миэстэ -- Новикова Диана, Бөтүҥ, Амма улууһа; 2 миэстэ -- Беляева Полина, Чернышевскай, Мииринэй оройуона; 3 миэстэ -- Алаганчакова Лалина, Сиэгэн Күөл, Кэбээйи улууһа.

Үрдүкү кылаастарга: 1 миэстэ -- Павлова Ая, Тулагы Киллэм, Дьокуускай; 2 миэстэ -- Моисеева Арина, Заречнай с, Өлүөхүмэ улууһа; 3 миэстэ -- Прудецкая Виктория, Бороҕон, Уус Алдан улууһа.

Видеонан үлэлэргэ: 1 миэстэ -- Слепцова Вилена, Чернышевскай, Мииринэй оройуона; 2 миэстэ -- Саввинова Лия, Сунтаар, Сунтаар улууһа; 3 миэстэ -- Саввинова Татьяна, Кириэстээх, Сунтаар улууһа.

Үрдүкү кылаастарга: 1 миэстэ -- Малахаева Екатерина, Тулагы-Киллэм, Дьокуускай к.; 2 миэстэ -- Гаврильева Анастасия, Эмис, Амма улууһа; 3 миэстэ -- Чемезова Дария, Эмис, Амма улууһа

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23