Дьэ аттар бу айылаах өҥүрүк куйааска эрбии биитин курдук эрийсэн күрэхтэстилэр. Кэлин тиһэҕэр Ил Дархан бирииһигэр муҥутуур кыайыылааҕынан Майн Кениг (Чурапчы) диэн 2013 сыллаах төрүөх ат буолла. Майн Кениг бу үһүс кыайыыта. Чурапчыттан төрүттээх Анатолий Куличкин аты үүннээн-тэһииннээн сүүртэ.
"Күрэхтэһии олус тэрээһиннээхтик ааста. Барыта сэттэ сүүрүү буолла. Куорат дьаһалтата, "Өрөспүүбүлүкэтээҕи инвестиционнай хампаанньа" АУо, "Алмазэргиэнбаан", Хаҥалас улууһа спонсордаатылар. Итини тэҥэ, "Cахатранснефтегазсбыт" генеральнай дириэктэрэ Виктор Лебедев 250 тыһ. солк. бириис быһыытынан туруорда. Бу сүүрүүнү аһыллыытыттан саҕалаан бары култуурунай тэрээһинин Култуура колледжын дириэктэрэ Захар Никитин салайааччылаах кэлэктиип тэрийэн ыытта. Түгэнинэн туһанан, кинилэргэ махтанабын. Судьуйалар кэллиэгийэлэрэ олус табыллан үлэлээтэ. Кылаабынай судьуйа Николай Степанов. Кэмэнтээтэр Александр Капитонов сүүрүү тыҥааһыннаах киирсиилэрин ис-иһиттэн табыллан кэпсээн дьон болҕомтотун тарта", -- диэн СӨ ат успуордун Федерациятын бэрэссэдээтэлэ, норуот дьокутаата Руслан Федотов санаатын үллэһиннэ.
-
0
-
0
-
0
-
0
-
0
-
0
