Куонкурус ыытаннар, 11 улуус лааҕырдарыгар бу үбү ыытыахтара: Алдан, Амма, Үөһээ Бүлүү, Горнай, Ленскэй, Муома, Нам, Таатта, Уус Алдан, Хаҥалас, Чурапчы улуустарыгар уонна Жатай бөһүөлэгэр. Ол курдук 300 оҕону хабар сынньалаҥ лааҕырдарын саҥардыахтара.
«Санатар буоллахха, 2012 сылтан 2018 сылга диэри үөрэҕи сайыннарыы бырагырааманан оҕо сынньалаҥ лааҕырын өрөмүөнүгэр сылын аайы 10 мөлөйүөн солкуобай көрөллөрө. Онтон үп көрүллүбэтэҕэ. Быйыл бу быраактыканы салҕаатыбыт уонна көрүллэр субсидия кээмэйин улаатыннардыбыт», -- диэн СӨ үөрэҕин миниистирэ Михаил Сивцев эппит.
СӨ үөрэҕин уонна наукатын министиэристибэтин пресс-сулууспата иһитиннэрбитинэн, бу сайын санитарнай ирдэбиллэри тутуһан 38775 оҕо сылдьар 573 лааҕыр үлэлиэхтээх. 269 лааҕыр бастакы симиэнэҕэ үлэлээбит, ол иһигэр 22 стационарнай лааҕырдар сабыылаах эрэсиимҥэ үлэлииллэр.
Билиҥҥи туругунан оҕо сынньалаҥ лааҕырдарын дьиэлэрэ 60%-ра эргэрбиттэр. 18 улууска стационарнай оҕо сынньалаҥ лааҕырдара суохтар. Оҕолор үксүн күнүскү лааҕырдарга сылдьаллар.
-
0
-
0
-
0
-
0
-
0
-
0
