Издательский дом Редакция Подписка
Погода в Якутске: . -11 oC

Быйыл, 2023 сыл олунньу 2 күнүгэр, Сталинградтааҕы кыргыhыыга немецкэй-фашистскай сэриилэри советскай сэриилэр үлтүрүппүттэрэ 80 сылын бэлиэтиибит.

Быйыл, 2023 сыл олунньу 2 күнүгэр, Сталинградтааҕы кыргыhыыга немецкэй-фашистскай сэриилэри советскай сэриилэр үлтүрүппүттэрэ 80 сылын бэлиэтиибит.

1942 сыл от ыйын 17 күнүттэн 1943 сыл олунньу 2 күнүгэр диэри салҕанан барбыт Сталинградтааҕы кыргыhыы — 1941-1945 сс. Аҕа дойду Улуу сэриитин сүдү суолталаах уонна хаан тохтуулаах кыргыhыыта — сэрии хаамыытын тосту уларыппыта, кыайыыга эрэли сахпыта.

Кыhыл аармыйа түѳрт ый оборуонаҕа сытан, ѳстѳѳх күүһүн-күдэҕин эспитэ, Гитлер дойдубутун имири сотор былаанын суох гыммыта, немецкэй-фашистскай сэриилэр итинтэн ыла чугуруйарга барбыттара.

205 күннээх түүн буолбут Сталинградтааҕы кыргыhыыга икки ѳттүттэн 2 мѳлүйүѳнтэн тахса киhи кыттыбыта, 2 тыhыынча тааӊка, 2 тыhыынча самолет, 26 тыhыынча кэриӊэ сэрии сэбэ туттуллубута. Сталинград анныгар Кыhыл аармыйа биэс аармыйаны үлтүрүппүтэ: икки немец, икки Румыния, биир Италия аармыйаларын. Немецтэр бу кыргыhыыга 800 тыhыынча киhини, ону кытта үгүс техниканы, сэрии сэбин сүтэрбиттэрэ.

Бу улуу кыргыhыыга 120-тэн тахса хорсун буойун Советскай Союз Геройун аатын ылбыта, кыргыhыы 760 буойуна «Сталинград кѳмүскэлин иhин» мэтээлинэн наҕараадаламмыта.

Сталинград иhин уоттаах кыргыhыыга Саха Сириттэн 10 тыh. тахса буойун кыттыбыта, онтон 935 саллаат кыргыhыы хонуутугар охтубута. Холобурга ыллахха, ситэтэ суох дааннайдарынан, аңардас Ньурба улууhуттан 140 киhи кыттыбыта, кинилэртэн 113 киhи эйэлээх олох иhин сырдык тыыннарын толук уурбуттара.

Сталинград 1

Биир дойдулаахтарбыт, Сталинградтааҕы кыргыhыы бэтэрээннэрэ

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением