Тэрээһиҥҥэ Ил Дархан уонна Бырабыыталыстыба дьаһалтатын салайааччы Георгий Михайлов, норуот дьокутаата Сахамин Афанасьев, Ис дьыала миниистирин солбуйааччы Юрий Выродов, уо.д.а. кытыннылар.
Сахамин Афанасьев уонна Георгий Михайлов анал байыаннай эпэрээссийэ кыттыылаахтарыгар, ол иһигэр «БАРС-2» этэрээт байыастарыгар, хорсун быһыыларын иһин ЛНӨ бойобуой наҕараадаларын туттардылар.
– Кулун тутар саҥатыгар Байыаннай дьайыылар бэтэрээннэрин өрөспүүбүлүкэтээҕи ассоциациятын бэрэссэдээтэлэ, «Боотур» этэрээт салайааччыта Иван Черкашины кытары анал байыаннай эпэрээссийэ зонатыгар сылдьыбыппыт. «БАРС-2» этэрээт ыстаабын көрбүппүт, ЛНӨ салалтатын көрсүбүппүт. Бүгүн Луганскай Норуодунай Өрөспүүбүлүкэ салалтатын аатыттан бойобуой наҕараадалары туттарабыт, – диэн норуот дьокутаата Сахамин Афанасьев махталын биллэрдэ.
Ил Түмэн пресс-сулууспатын матырыйаалларынан.
- 3
- 0
- 0
- 0
- 0
- 0