Саха Өрөспүүбүлүкэтин судаарыстыбаннаһын төрүттэспит уһулуччулаах бэлитиичэскэй уонна судаарыстыбаннай диэйэтэл, Саха Сирэ социальнай-экэнэмиичэскэй сайдыытыгар кылаатын киллэрсибит Исидор Никифорович Барахов төрөөбүтэ быйыл 125 сыла. Кини Максим Аммосовтыын, Платон Ойуунускайдыын өрөспүүбүлүкэ төрүттэниитигэр сүҥкэн кылаатын киллэрсибитэ.
Исидор Никифорович олоҕун төрөөбүт өрөспүүбүлүкэтин, Саха Сирин дьонун интэриэстэрин көмүскээһиҥҥэ анаабыта. Өрөспүүбүлүкэни төрүттээччилэр эр санааларынан, дьулуурдарынан, норуоттарын туһугар үрдүк эппиэтинэстээхтэринэн биллэллэрэ. Уустук дьүүллэһиигэ, мөккүөргэ, бэл, кытаанах утарылаһыыга, харгыстаһыыга кинилэр туруулаһан, автономнай өрөспүүбүлүкэ статуһун ылары ситиспиттэрэ диэн бэлиэтээтилэр.
Исидор Барахов үрдүкү салалтаҕа эппиэтинэстээх дуоһунастарга үлэлээбитэ: САССР Совнаркомун бэрэссэдээтэлэ (1922—1924), ВКП(б) Саха Сиринээҕи обкомун бастакы сэкирэтээрэ (1926—1928), КК ВКП(б) тыа хаһаайыстыбатыгар Илин Сибиир уонна Уһук Илин салаатын сэбиэдиссэйэ (1933—1938).
И.Н. Барахов төрөөбүтэ 125 сылын иитинэн тэрээһиннэр ыытыллаллара былааннанар. Үөһээ Бүлүү улууһугар, төрөөбүт Харбалаах нэһилиэгэр култуура киинэ аһыллыа. Манна И. Барахов аатынан судаарыстыбаннас түмэлэ киириэҕэ.
Онон сибэкки дьөрбөтүн уурууга улуус баһылыгын маҥнайгы солбуйааччыта, Үөһээ Бүлүү устудьуоннара кыттыбыттара ураты суолталанна.
-
0
-
0
-
0
-
0
-
0
-
0
