— Мин оҕурсууну сѳбүлээн олордубутум олох ыраатта уонна мэлдьи үчүгэй үүнүүнү ылабын. Сайыны быhа остуолбутугар оҕурсуу мэлдьи баар, биир маанылаах аспыт буолар. От ыйыгар, саамай астанар кэмигэр, оҕурсуу эбии аhатыыга наадыйар. Мин маныаха күлү туттабын, – диэн кэпсиир даачатыгар оҕуруот олордор куорат олохтооҕо Татьяна Иванова. — Бастатан туран, бу натуральнай уоҕурдуу, макро- уонна микро- элимиэннэринэн баай. Киниэхэ калий, кальций, магний, фосфор бааллар. Күл буорга туhалаах бактериялары үѳскэтэр.
Күлү икки нэдиэлэ быыстаан, хас биирдии кв.м. 3-түү остолобуой ньуосканы ыhабын. Оччотугар оҕурсуу ыарыыттан кѳмүскэллээх буолар уонна астанара түргэтиир. Оттон калий сульфатын 1-дии чаайынай ньуосканы үүнээйи тѳрдүгэр ыhыллар. Бу оҕурсуу ѳр кэмҥэ астанарыгар кѳмѳлѳѳх.
-
0
-
0
-
0
-
0
-
0
-
1
