Издательский дом Редакция Подписка
Погода в Якутске: . -12 oC

Уһук илин ыччата түмсэр, бодоруһар, санаа атастаһар кыахтааҕа, кинилэргэ ураты эйгэ олохтоноро хайҕаллаах. Бу күннэргэ өрөспүүбүлүкэ ыччат уопсастыбаннай тэрилтэлэрин уонна идэлээх сойуустарын көхтөөх бэрэстэбиитэллэрэ Владивостокка, Дьоппуон муоратын кытылыгар турар «Юнга» лааҕыр базатыгар, «Андреевский городок» форумҥа муhуннулар.

Уһук илин ыччата түмсэр, бодоруһар, санаа атастаһар кыахтааҕа, кинилэргэ ураты эйгэ олохтоноро хайҕаллаах. Бу күннэргэ өрөспүүбүлүкэ ыччат уопсастыбаннай тэрилтэлэрин уонна идэлээх сойуустарын көхтөөх бэрэстэбиитэллэрэ Владивостокка, Дьоппуон муоратын кытылыгар турар «Юнга» лааҕыр базатыгар, «Андреевский городок» форумҥа муhуннулар.

Саха сириттэн уопсайа 18 эдэр киhи бу тэрээhиҥҥэ кытта сылдьар. Тэрийэр хамыыhыйа сүмэрдээhинин ааhан, ыҥырыы тутан ыччаттар үөрүүлэрэ муҥура суох. Форум уон күннээх бырагырааматыттан алта күнэ номнуо элэстэнэн ааспыт.

Кыттааччылар Уһук Илин федеральнай уокурук бары муннуктарыттан кэлбит буолан кэпсэтэр, ырытар, толкуйдуур хайысхалара олус киэҥ. Сүрүннээн регион уратытын учуоттаан сайдар эйгэни тэрийии, ыччат төрөөбүт түөлбэтиттэн тэйбэккэ айар-тутар кыаҕын ситиһии, саҥа бырайыактары көҕүлүүрүгэр тирэх буолуу, кэнчээри ыччат өй-санаа өттүнэн бигэ туруктаах үүнэригэр кыһаллыы курдук суолталаах ыйытыыларга санааларын түмэллэр.

a6f626c3 7da7 45c5 9f60 aa03bf9c5356

Күн-дьыл да туран биэрдэ. Ыраас халлаан, сибиэһэй салгын, олорорго-сынньанарга бэртээхэй усулуобуйа. Муораҕа умсан ыла-ыла, сылаас кумахха сылаанньыйа сытан, элбэҕи толкуйдуохха-анаарыахха сөп. Сэниэ киллэринэ-киллэринэ араас тэрээһиннэргэ кыттан, үөрэххэ сыстан, түмэккэ киирэн, ыччаттар бэрт чаҕылхай күннэри атаара сылдьаллар.

8ff38e75 27c5 4a26 bdbb 961ee1147a30а

aedfc47b f39b 4c51 a2a4 f32232c22d42ф

7dca2d63 e2f8 4407 81ce 9a9aa4869836р

89369b5f 6727 485d 992a c9a444a1896dп

Сахабыт сирин ыччата далааһыннаах форумҥа кэлэн, атыттары кытта ыкса бодоруһан, биир тэтимҥэ киирэн, төрөөбүт кыраайбытын үтүө өттүттэн билиһиннэрдэ. Холобур, форум маҥнайгы күннэригэр билсиһии биэчэригэр Алданнааҕы политехническэй техникум иккис кууруһун устудьуоннара Александр Чалов уонна Вадим Найденов бухатыырдар уобарастарын чаҕылхайдык толорон этэрээтинэн маҥнайгы миэстэҕэ таҕыстылар.

3029abb4 63da 4f67 bab2 afa2c5c90b21в

Кыргыттар эмиэ хаалсыбатылар. Талааннаахтар түһүлгэлэригэр Анисия Винокурова – Дьокуускай куорат 33№-дээх орто оскуолатын учуутала, Дарья Васильева – М.К.Аммосов аатынан Хотугулуу-Илиҥҥи федеральнай университет преподавателэ,  Вероника Бочкарева – Өрөспүүбүлүкэтээҕи 2 №-дээх балыыһа мэтэдьиис-бырааһа хомуска оонньоон сааланы сөхтөрдүлэр. Тэтимнээх муусука доҕуһуолугар эрчимнээхтик тардан, хомоҕойдук хоһуйан, кэҕэлээн да ылан, көрөөччүлэр биһирэбиллэрин ылыан ыллылар.

8ff38e75 27c5 4a26 bdbb 961ee1147a30ы

Форум күнэ араас көрсүһүүлэринэн, мастар-кылаастарынан, дискуссияларынан толору буолан биэрдэ. Дьон болҕомтотун ордук Приморскай кыраай губернатора Олег Кожемяко тарта. Кини Уһук Илин ыччаттарыгар туһаайан регион сайдар саҕахтарын, экономика ситиһиилэрин туһунан сэһэргээтэ, эдэр киһи карьератын хайдах оҥостуон сөбүн сүбэлээтэ, волонтер хамсааһыныгар ыччат бүттүүнэ кыттарыгар ыҥырда. Холобур быһыытынан учуонайдары кытта дириҥник хасыһан, Приморье историятын икки туомнаах кинигэ быһыытынан таһаарбыттарын кэпсээтэ. Маныаха 100 баалга КБЭ-ни туттарбыт үөрэнээччилэр бу дьоһуннаах үлэҕэ кыттыспыттара сөхтөрдө.

fe3251bf a2ab 4eca 96c4 81a3ee159c7fв

РФ уопсастыбаннай палаататын сэкирэтээрин солбуйааччы, урукку сылларга Уһук Илин регион сайдыытын миниистирэ Александр Галушка лекцията элбэҕи толкуйдатар, урукку кэм үтүө уопутун туһанарга ыҥырар суолталанна. Кини, экономика хайысхатыгар идэлээх киһи, Сэбиэскэй сойуус 1929-1955 сыллардааҕы экономикатын модела аан дойду үрдүнэн чаҕылхай көрдөрүүлээҕин араас өттүттэн ырытан дакаастаата. Эмиэрикэ, Европа дойдуларын куоһардыбыт Ленин ыйбыт, Сталин олоххо киллэрбит, тэрийбит, ситиспит модун экономикатын тохсоллоро, ньымалара бүгүҥҥү күҥҥэ туһаныллар кыахтаахтарын ыйда.

d8546b2c 83f5 47e8 8927 be5f0b267c43а

Уһук Илин кыраай угуйар кэрэтин, элэккэй дьоннооҕун, сөхтөрөр айылҕалааҕын туһунан Санкт-Петербургтан сылдьар Наталья Корнева диэн путешественник, төрүччүнү үөрэтээччи истиҥ кэпсээнэ дьон сүрэҕин сүүйдэ. Кини дойду араас муннуктарыгар «турбут бэйэтинэн», онтон кэлин массыынанан умсулҕаннаах айанын аартыктарын арыйда. Бу сылларга Туваҕа уонна Саха сиригэр сылдьыбытын истиҥник аҕынна. Саха дьоно ыалдьытымсаҕын, элэккэйин сөҕө-махтайа, бэлиэтии көрбүт. Сырыыларын, айан араас кэрэхсэбиллээх түгэннэрин түмэн, «Автостопом по России» диэн кинигэни араас форматынан (бэчээтинэй, электроннай, аудио) таһаарбыт.

8eaba2ab 786f 4962 9b1d 486ecc88c886ы

Өй да үлэтигэр биһиги ыччаттарбыт иҥнэн турбаттар. Этиилэрин туруорсан, ырытыһыыларга кыттыһан, спикердарга ыйытыы биэрэн, болҕомто киинигэр сылдьаллар. Бүгүн форум түмүк докумуонун таҥар хамаанданан үлэҕэ Николай Зюбин – «Сахатранснефтегаз» АО суоппара, «Общее дело» Бүтүн Арассыыйатааҕы уопсастыбаннай тэрилтэ Саха сиринээҕи салаатын төрүттээччитэ, Вероника Бочкарева – Өрөспүүбүлүкэтээҕи 2 №-дээх балыыһа мэтэдьиис-бырааһа, Доруобуйа харыстабылын идэлээхтэрин сойууһун ыччат сэбиэтин салайааччытын солбуйааччы, Роберт Иванов – Саха Өрөспүүбүлүкэтин эдэр педагогтарын ассоциациятын бэрэссэдээтэлэ, Дьокуускай куорат 16 №-дээх орто оскуола технологияҕа учуутала көхтөөх кыттыыны ыллылар.

cca2f4d9 64dd 4bc4 9de6 c666aade4e07ы

«Ил Түмэн» парламент хаһыатын кэлэр нэдиэлэтээҕи нүөмэригэр ыччаттарбыт санааларын, регион сайдыытыгар этиилэрин сырдатыахпыт. Онтон «Андреевский городок» форум үлэтэ салҕанар. Балаҕан ыйын 16 күнүгэр Саха сирин дэлэгээссийэтэ дойдутугар сэргэх толкуйдаах, сонун көрүүлэрдээх төннүөҕэ, үлэ үөһүгэр түһүөҕэ.

  • 0
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Форум тумугунэн туох эмит бырайыак дуу, эбэтэр киьи кумаа5ыга уонна туттууга-хаптыыга керер тумук баар буолар дуо?

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23