Сэргээ

Ыйааһын

«Дьоллоохтор» кэккэлэригэр киириэххитин сөп, тохсунньуга балачча үлэлии түһүөххүн наада. Манна кавычка соччо сөп түбэспэт, үлэҥ бэркэ табыллан иһиэ! Ити олунньуну уонна кулун тутары эмиэ таарыйар, ол эрээри романтика алыбар үлүһүйүөххүн сөп, ол сааһыары хойуу өҥүнэн сыдьаайыа. Муус устар айыыга-тутууга олус табыгастаах, оттон ыам ыйыгар сайыны кэтэспэккэ уоппускаҕа барыаххын сөп. Бэс ыйыгар да диэри кэтэстэххинэ куһаҕана суохтук сынньаныаҥ. Сайын хаалбыт чааһыгар уонна балаҕан ыйыгар суолталаах быһаарыныы ылымматын ордук. Ол оннутугар алтынньы бары өттүнэн үчүгэй. Сэтинньи, ордук иккис аҥаара романтикалыырга сөп түбэһэр. Сыл түмүгэ киһи үөйбэтэх өттүттэн табыллыынан уонна наһаа үчүгэй күүтүллүбэтэх бэлэхтэринэн өйдөнөн хаалыа.

Скорпион

Хайдахтаах даҕаны хаардаах кыраайга саҥа дьылы көрсөргөр тоҥуон суоҕа. Тапталлааҕыҥ сыһыана эйигин сылытар, тулалыыр хаары уулларар. Оннук үчүгэй романтика кэмнэрэ күүтэллэр. Сыл саҕата дьыалаҕа даҕаны куһаҕана суох, ордук олунньу уонна кулун тутар. Муус устар итиэннэ ыам ыйын бастакы аҥаара кэрэни кэрэһилиэ. Онтон уһун кэм чуумпуруу саҕаланыа. Атырдьах ыйыгар диэри үрдүк сыаллары туруорума, ол оннутугар баары сүтэрбэт инниттэн сыаналаа, харыстаа. Ити тус олоххор уонна үлэҕэр сыһыаннаах. Өскөтүн ити кэмҥэ сынньаныаххын баҕардаххына, от ыйа ханнык даҕаны ыйдааҕар барсар. Балаҕан ыйа күргүөмнээх уонна үтүө өрүттээх буолуо. Ситиһии түмүгүттэн кэлэр ыйдарга олохтон дуоһуйар туһугар, туох баар күүскүн уураар.

Охчут

Сыл бастакы аҥаара эйиэхэ олус үчүгэй кэм. Үөрэххэр, айаргар-тутаргар, куккунсүргүн, уйулҕаҕын көннөрүнэргэр, тас дойдуга – чуолаан үөрэххинэн эбэтэр идэҕинэн бараргар барытыгар сөп түбэһэр. Үчүгэй кэм уһунун учуоттаатаххына, мүччү туппатаххына, баһаамы ситиһиэххин сөп. Тус олоҕун даҕаны туһунан ытаныаҥ суоҕа. Ыам ыйын бүтэһигиттэн атын кэм саҕаланар. Ону куһаҕан диир сатаммат, ол эрээри майгыгынан олус омуннааххын уонна дохсуҥҥун, оттон ылыммыт быһаарыныыҥ сороҕор ситэ толкуйдамматах буолааччы. Онон ити майгыгын көрүнэ сатаа, сиэри иһинэн сырыттаххына, барыта уу нуурал курдук буолуоҕа. Атырдьах ыйыттан саҥа бырайыактартан аккаастан, ол оннутугар урукку бырайыактарыҥ үчүгэй түмүктэри аҕалыахтара. Балаҕан ыйын бүтэһигэр, алтынньы саҕатыгар бэйэҕин харыстан уонна доруобуйаҕар улахан болҕомтону уур. Ахсынньыттан өссө күүстээх тэтимнэниэҥ уонна кэлэр 2023 сылга онтуккун ыһыктабакка тоҕо көтөн киириэҥ.

Чубуку

Сыл интэриэһинэйдик уонна санаа көтөҕүллүүлээхтик саҕаланыа. Бу бэлиэҕэ төрөөбүттэр үгүстэрэ олохторун уларытар кыаҕы көрүөхтэрэ уонна ол хайысха диэки хамсаныахтара. Кулун тутар – ыам ыйа үп уонна идэ өттүттэн ылан көрдөххө табыгастаах кэмнэр. Интэриэһинэй үлэ буларгар түгэн көстүө, үлүһүйэр дьарыккын дохуот киллэрэр курдук оҥостуоххун сөп. Эн билииҥ уонна дьоҕуруҥ наадалаах буолуохтара, хас даҕаны интэриэһинэй этиилэртэн биири таларыҥ саарбахтаммат. Сайын саҕатыттан балаҕан ыйын ортотугар диэри табыллыы күүтэр. Ол туһугар элбэх кыһаллыы ирдэммэтэ интэриэһинэй, барыта оргууйналлаан табыллыа. Сайын хайа баҕарар ыйа сынньанарга сөп түбэһэр. Оттон балаҕан ыйа уонна алтынньы коснерватизмыҥ уларыйыы күүстээх тыалларын көрсөр кэмэ. Ол эрээри ону барытын чэпчэкитик аһарыныаҥ. Сыл бүтэһигэ тиһэх күннэригэр диэри ситиһиилээх уонна элбэҕи эрэннэриилээх буолуо.

Күрүлгэн

Тохсунньу, олунньу уонна кулун тутар бастакы аҥаара тосту уларыйыыга дэлэгэй буолуо. Күүтүллүбэтэх бэлэхтэр үчүгэй буолалларын туһугар, сэрэхтээх буол, бары сокуоннары уонна быраабылалары тутуһа сырыт. Ол оннугар кулун тутар бүтэһигиттэн атырдьах ыйын ортотугар диэри табыллыыны кэтэс. Үп өттүгэр ситиһиилэр, дуоһунаска өрө дабайыы уонна таптал чааһыгар кыайыы баар буолуохтарын сөп. Ити кэмҥэ саҕаламмыт сыһыаннар кэскиллээх буолуохтарын сөп. Сайын бүтэһигэ уонна күһүн саҕаланыыта чуумпу буолуо, ким эрэ чуҥкуйуо. Ол эрээри балаҕан ыйын ортото уонна алтынньы өрө күүрүүнү хаттаан түстүө. Ити кэм ордук уоппускаҕа сөп түбэһэр. Ол эрээри болҕой, хайа уонна муора талыыта турдаҕына, муораны таларыҥ ордук. Сэтинньи ортотук ааһыаҕа, оттон ахсынньыга туох эрэ олус суолталааҕы түмүктээт, айаннаан эрэр поезд үктэлигэр тахсыаҥ.

Балыктар

Балык бэлиэтигэр төрөөбүттэри сыл аҥаарыттан ордук курдук кэмҥэ бэйэлэрин Юпитер уонна Нептун планеталара арыаллыа. Итинник түгэн, сымнатан эттэххэ, дэҥҥэ көстөр, бүтэһигин XIX үйэ ортотугар буолбута. Онон түгэннэри мүччү тутума: планеталарыҥ күүстээхтэрин курдук эн эмиэ күүстээххин. Бэс ыйын ортотугар диэри сулустарыҥ барытыгар табыллыыны түстүүллэр. Ол эрээри өйдөө, атын дьоҥҥо көмөлөһөр эрэ дьоҥҥо сулустар үтүө сыһыаннаахтар. Сыл бастаҥы аҥаара – үтүөнү оҥорууга саатар кыра бириэмэни уонна үбү аныырга сөптөөх кэм. Итэҕэй, үрдүкү көстүбэт эйгэ ону барытын көрөр, төлөһүө. Оттон айар үлэнэн, уйулҕаны үөрэтиинэн, кут-сүр үлэтинэн дьарыктанааччылар төһө эрэ кэминэн 2022 сыл сүрдээх ситиһиилээх уонна көдьүүстээх этэ диэн ахтыаххыт. Бэс, от уонна балаҕан ыйдарыгар тоҕута көтөн кииримэ, ол кэриэтэ кэтэс уонна тулуургун көрдөр. Сэтинньи күүскүн-уоххун толоруо, онон ахсынньыга туох баар үрдэллэри дабайар кыахтаныаҥ.