"Пааматынньыктары харыстыаҕыҥ" аахсыйаҕа норуот дьокутааттара көхтөөхтүк кытталлар. Холобура, парламент вице-спикерэ Антонина Григорьева Ньурбаҕа "Барабааннаах кыыс" статуяны, Виктор Лебедев Ойуунускай үөрэммит оскуолатын өрөмүөннэппиттэрэ.
Оттон дьокутааттар Михаил Дмитриевич Гуляев уонна Яков Ананьевич Ефимов 2021 с. күһүөрү Чөркөөххө сылдьан, мусуой Аал Луук маһын саҥардарга үбүнэн-харчынан көмөлөспүттэрэ.
Ытык бэлиэни ХИФУ физик идэлээх учуонайдара С.А. Кузьмин, Д.А. Красильников чөлүгэр түһэрдилэр, эмэҕирэн эрэр бэйэтин бэрт мындырдык оҥорон сөргүттүлэр.
Аал Луук маһы оннугар туруорар үөрүүлээх тэрээһиҥҥэ Таатта улууһун баһылыга Михаил Соров, дьокутааттар Михаил Гуляев, Яков Ефимов, олохтоох Октябрьскай нэһилиэк баһылыга Андрей Семенов, Чөркөөх түмэлин дириэктэрэ Николай Попов, улуустааҕы Норуот айымньытын дьиэтин дириэктэрэ Гаврил Вырдылин, реставратордар Д.А. Красильников, М.М. Охотин уо.д.а. кыттыыны ыллылар.
Анал кырааннаах массыынанан көмөлөспүт Тааттатааҕы РЭС салайааччыта Сейдалов Ислам Идрисовичка уонна кэлэктиибигэр барҕа махталларын тиэрдэллэр.
Быйыл сайын бэс ыйын 10-12 күннэригэр Чөркөөх түмэлигэр ыытыллыахтаах "IIS-UUS, AS FEST" өрөспүүбүлүкэтээҕи этнографическай бэстибээлгэ Аал Луук мас силигэ ситэриллэн, официальнай аһыллыыта буолуохтаах.
-
1
-
0
-
0
-
0
-
1
-
0
