"Саҥа сокуон быһыытынан, от ыйын 1 күнүттэн ИДьМ уорганыгар биитэр МФЦ-га тустаах докумуоннары туттарбыт кэнниттэн, пааспары оҥоруу биэс үлэ күнүттэн уһатыллыа суохтаах. Медицина көмөтүнэн босхо туһанарга, балыыһаҕа көрдөрүнэргэ булгуччулаах медстраховка (ОМС) полиһа биитэр пааспар эрэ ирдэниэҕэ. Гражданин олорор биитэр кэлбит сиринэн учуокка тустаах муниципальнай оройуон ханнык баҕарар регистрациялыыр уорганыгар, оттон Москваҕа, Санкт-Петербурга уонна Севастопольга куорат иһинээҕи ханнык баҕарар уоргаҥҥа туруон сөп" диэн суруйбут Судаарыстыбаннай Дуума Бэрэссэдээтэлэ бэйэтин Telegram-ханаалыгар.
Маны таһынан от ыйыттан биэнсийэ мунньуллар чааһыгар сыһыаннаах сокуон олоххо киириэҕэ. Өскөтүн биэнсийэ мунньуллар чааһа судаарыстыбаннайа суох биэнсийэ пуондатыттан атыҥҥа сокуоннайа суох көһөрүллүбүт түбэлтэтигэр, болдьоҕун иннинэ көһөрүү иһин туппут инвестиционнай дохуот харчыта суут уурааҕынан гражданнарга төннөрүллүөхтээҕин туһунан саҥа сокуоҥҥа чопчу этиллэр.
-
1
-
0
-
0
-
0
-
0
-
0
