Аһымал аахсыйатын кэмигэр улуустартан, тэрилтэлэртэн, биэдэмистибэлэртэн көмө хомулунна, биирдиилээн дьон куйаар куодунан киирэн, онлайн эрэсииминэн бэйэлэрин көмөлөрүн биэрдилэр. Ил Түмэн дьокутаата Феодосия Габышева Дьааҥыга оробуочай сырыытын, эмсэҕэлээһин туругун, көмө оҥоһуллуутун туһунан кэпсээтэ. Норуот дьокутаата Михаил Эверстов быһа сибээһинэн, киин куорат лааҕырдарыгар сынньана кэлбит Дьааҥы оҕолоругар бэйэтин харчытынан кэнсэлээрийэ табаарын атыылаһан биэрбитин туһунан кэпсээтэ. Билигин Москваҕа сылдьар эбит, «Орленок» лааҕырга тиийбит оҕолору кытары сибээстэһэн, лааҕыр салалтата кинилэр олорор, дьарыктанар усулуобуйаларын тупсарарын ситиспит.
Музыкальнай тохтобулларга эстрада артыыстара, Дьааҥыттан төрүттээх ырыаһыттар ыллаатылар. Сиэйэ Уола айылҕа харыстабылын туһунан саҥа ырыатын сүрэхтээтэ. Телемарафон 20:30 чааска түмүктэннэ, бу кэм устатыгар 3 мөлүйүөн 796 тыһыынча солкуобай харчы хомулунна.
-
2
-
0
-
0
-
0
-
0
-
0
