Бүгүҥҥүттэн материальнай көмөнү биэрии саҕаланыа
Издательский дом Редакция Подписка
Погода в Якутске: . 1 oC

От ыйын саҥатыгар Дьааҥы улууһа ууга барбыта.

От ыйын саҥатыгар Дьааҥы улууһа ууга барбыта.

Ардах уута баара-суоҕа биэс-алта күн иһигэр Дьааҥы түөрт нэһилиэгин, Верхоянскай куораты олоччу, үс бөһүөлэгин түөлбэлэрин олордон ылбыта. Дьааҥы үрэхтэрэ бары – Дулҕалаах, Сартаҥ, Адыаччы, Боруулаах, Туостаах – хааларыттан биир кэмҥэ тахсаннар улахан иэдээни оҥордулар.

От ыйын устата өрөспүүбүлүкэ, улуус салалталара, туһааннаах тэрилтэлэр испэсэлиистэрэ хорумньуну аахтылар, аактары оҥордулар. Кэккэ дьаһаллар таҕыстылар, нэһилиэктэри чөлүгэр түһэрэргэ үлэ бара турар. Ол курдук бүгүҥҥүттэн, ол эбэтэр атырдьах ыйын 1 күнүттэн, Дьааҥы улууһун ууга эмсэҕэлээбит олохтоохторугар материальнай көмөнү биэрэн саҕалыахтара. От ыйын 31 күнүн туругунан биир кэмнээх материальнай көмөҕө уопсайа 5741 сайабылыанньа киирбит. СӨ экологияҕа министиэристибэтэ 2809 сайабылыанньаны кытта үлэлээбититтэн 2034-дүн аһардынна, 725-һин аккаастаата.

Владимир Черноградский, Арктика сайдыытын уонна хотугу норуоттар дьыалаларыгар миниистир:

– Халаан хорумньутун ааҕыы үлэтэ өссө да бара турар. От ыйын 31 күнүн туругунан 347 чааһынай дьиэ, 85 элбэх кыбартыыралаах дьиэ уонна 22 социальнай эбийиэк докумуоннара туһааннаах дириэксийэлэргэ ыытыллыбыттара. Чөлүгэр түһэрэр үлэлэри ааҕыы, симиэтэ докумуоннарын оҥоруу бара турар. Бу нэдиэлэҕэ түмүктэниэҕэ диэн эрэнэбит.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости