Үчүгэйэ диэн, ханна да баран сайабылыанньа суруйар наадата суох. Көмпүүтэр бэйэтэ быһа киллэрэр. Үлэлиир биэнсийэлээхтэргэ кыра да буоллар, эбиллии баар буолуоҕа. Индексация буолбакка (2015 сылтан быһыллан турар), саастарынан сибээстээн страховой төлөбүрү эбии ааҕыы түмүгэр үрдүөҕэ. Ол курдук, бу ый 1 күнүттэн үлэлиир биэнсийэлээхтэргэ муҥутаан 314,07 солкуобай эбиллиэҕэ. Арассыыйа Федерациятын Бырабыыталыстыбатын иһинэн үлэлиир Үп-харчы университетын бэрэпиэссэрэ Александр Сафонов этэринэн, манна Арассыыйа 7,3 мөл. үлэлиир биэнсийэлээҕэ хапсыаҕа. Кини: “Дьиҥэ, дойду үрдүнэн докумуона суох өссө мөлүйүөн кэриҥэ биэнсийэлээх үлэлиир”, – диэн этэр.
Маны таһынан бу ыйтан биэнсийэ мунньуллар чааһын кээмэйэ улаатта. 2020 сыллаахха накопительный биэнсийэ 9,13 % үрдээбитэ. Манна 80 тыһ. киһи үрдээбит биэнсийэни ылар кыахтаммыта. “Накопительнай” биэнсийэ кыттыгас үбүлээһинин кыттыылаахтарыгар эмиэ үрдүөҕэ. Арассыыйаҕа “накопительнай” биэнсийэ орто кээмэйэ ыйга тыһыынчаттан тахсар. Онтон биэнсийэ суһал төлөбүрэ (срочная пенсионная выплата) ыйга 2000 кэриҥэ. Биэнсийэҕэ дьахталлар 55, эр дьон 60 саастарыттан тахсаллар.
-
0
-
0
-
0
-
0
-
0
-
0
