Ол туһунан Санкт-Петербург губернатора Александр Беглов Санкт-Петербург Бырабыыталыстыбатын дьаһалыгар илии баттаата. Онон улуу куорат Выборгтааҕы оройуонугар Диагональнай, Грибалёва уонна Новолитовскай уулуссалар быһа охсуһар сирдэригэр Семен Новгородов аатынан искибиэр оҥоһуллуоҕа.
Арассыыйа Бэрэсидьиэнигэр Саха сирин Бастайааннай Бэрэстэбиитэлистибэтэ Саха Өрөспүүбүлүкэтин 100 сылын уонна Семен Андреевич Новгородов төрөөбүтэ 130 сылын бэлиэтээһин чэрчилэринэн, Санкт-Петербург куорат Топонимическай хамыыһыйатыгар киллэрбит сайаапката өйөннө.
Искибиэр өссө тупсарыллан оҥоһуллуо, Саха сирин норуоттарын култуураларын элимиэннэрэ киллэриллиэхтэрэ.
Быйыл биллиилээх учуонай-сырдатааччы, саха суругун-бичигин төрүттээбит, бастакы алпаабыты оҥорбут Семен Новгородов төрөөбүтэ 130 сылын бэлиэтиэхпит. Кини Петербург университетыгар үөрэммитэ. Кыыһа Елена Семеновна Новгородова (1924-2012) сааһын тухары эмиэ бу куоракка олорбута, үлэлээбитэ, эмиэ тыл үөрэхтээҕэ, Герцен аатынан РГПУ доцена этэ.
-
2
-
0
-
0
-
0
-
0
-
0
