Издательский дом Редакция Подписка
Погода в Якутске: . 22 oC

Атырдьах ыйын 5-6 күннэригэр Арассыыйа Наукаларын академиятын Сибиирдээҕи салаатын Саха сиринээҕи научнай киинигэр Криолитозона биологическай проблемаларыгар институт 70, Ботаническай саад 60 сылларын чэрчитинэн «Хотугу лилиялар» бэстибээл буолан ааста.

Атырдьах ыйын 5-6 күннэригэр Арассыыйа Наукаларын академиятын Сибиирдээҕи салаатын Саха сиринээҕи научнай киинигэр Криолитозона биологическай проблемаларыгар институт 70, Ботаническай саад 60 сылларын чэрчитинэн «Хотугу лилиялар» бэстибээл буолан ааста.

Бэстибээл аһыллыытыгар Арассыыйа Наукаларын академиятын Сибиирдээҕи салаатын Саха сиринээҕи научнай киинин генеральнай дириэктэрэ, РАН член-корреспондена Михаил Лебедев бары мустубуттары Криолитозона биологическай проблемаларыгар институт 70, Ботаническай саад 60 сылларынан итиитик-истиҥник эҕэрдэлээтэ. Биолог-учуонайдар соҕуруу дойдулартан төрүттээх үүнээйилэр уһук хотугу дойду килиимэтин тулуйар суортарын ууһатан, тарҕатан, өрөспүүбүлүкэ социальнай-экэнэмиичэскэй сайдыытыгар сүҥкэн кылааттарын киллэрбиттэрин, Криолитозона биологическай проблемаларыгар институт тэриллиэҕиттэн көлүөнэлэр ситимнэһиилэрэ, уопуту тарҕатыы айымньылаахтык ыытылларын бэлиэтээтэ. 2007-2017 сыллардаахха институт дириэктэринэн үлэлээбит биология наукатын хандьыдаата Павел Ремигайло институт историятын туһунан сырдатта.

Лилия_-2.jpeg

Ботаническай саад сэбиэдиссэйэ, биология наукатын хандьыдаата Татьяна Коробкова Ботаническай саад үлэтин-хамнаһын уонна Азия лилияларын (атыннык эттэххэ, сардааналар) кэллиэксийэлэрин тэрийии, сайыннарыы туһунан билиһиннэрдэ.

– Екатерина Афанасьева 2018 сылтан саҕалаан, бэрт кылгас кэм иһигэр сардаана 80 суордун хомуйда, – диэтэ.

«Маки» сибэкки салонун хаһаайката Татьяна Аседулина бэстибээл быыстапкатыгар аҕалыллыбыт уонна композицияҕа туһаныллыбыт сардааналар барыта Ботсаадка үүннэриллибиттэрин туһунан кэпсээтэ.

Лилия_03.jpeg

– Ботаническай саад ураты баай кэллиэксийэтин көрөн олус соһуйдум, маннык кэрэ, нарын сир симэхтэрэ хоту дойду уһун, тымныы кыһынын хайдах тулуйалларын, ону ааһан кылгас сайын устатыгар сибэккилээн силигилииллэрин, төрүүллэрин-ууһуулларын сөхтүм. Дьэ бу буолар эһиги Ботаническай саадкыт Арасссыыйаҕа сибэкки бизнеһин сайыннарыыга дьоһун кылаата! – диэтэ бэстибээл ыалдьыта, флористика хампаанньаларын бизнес-консультана, Chudopal.Group хампаанньа маркетиҥҥа уонна үпкэ дириэктэрэ Алексей Чудопал.

Лилия-_4.jpeg

Быыстапкаҕа сардаана сибэкки 35 суорда туруоруллубут. Хас биирдии үүнээйигэ суорт аата-суола, хаһан регистрацияламмыта, уопсай характеристиката (өҥө-дьүһүнэ, тиибэ, кээмэйэ, хаһан, хайдах сибэккилиирэ, уратылара о.д.а.) итиэннэ суорду ханнык селексионер айан таһаарбыта барыта сиһилии ыйыллыбыт.

Лилия-_победители.jpeg

Ботаническай саад научнай үлэһитэ, биология наукатын хандьыдаата Екатерина Афанасьева сардааналары үүннэрии уратыларын туһунан билиһиннэрдэ. Татьяна Аседулина сардааналарынан араас букеттары оҥорууга, өҥү-дьүһүнү талыыга маастар-кылаас ыытта.

Бэстибээл чэрчитинэн, сардааналарынан букеттары оҥорууга уонна уруһуйга доруобуйаларын хааччахтаах оҕолорго кэтэхтэн куонкурус, «Саха сирин кэрэтэ» флористар күрэхтэһиилэрэ итиэннэ «Сардаана – хотугу саад сарыыссата» өрөспүүбүлүкэтээҕи көрүү тэриллибиттэрэ.

Лилия-_3.JPG

Бэстибээлгэ кыттыылаахтара дьикти кэрэ түгэннэри бэлэхтээбиттэрин иһин, Татьяна Коробкованан сирэйдээн Ботаническай саад бары үлэһиттэригэр итиэннэ бу дьаһалы көҕүлээн тэрийтэрбит, сардаана кэллиэксийэтин кураатара Екатерина Афанасьеваҕа махтанан, бары үтүөнү баҕаран тарҕастылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением