Маны таһынан «Аврора» ресторан хамаандата «ТКД» хампаанньа инновацияҕа уонна аһылыгы бэлэмнээһиҥҥэ саҥа технологиялары туһаныыга анал бирииһи туруорбутун ылла. Бирииһи ресторан шеф-поварыгар Виктория Андрееваҕа туттардылар. Итини кытта сиэрбискэ үрдүк таһымын уонна ыалдьыттарга ураты болҕомтотун иһин Саха Сиринээҕи эргиэн-бырамыысыланнай балаата бирииһин тутта.
«Профессионализм иһин» номинация бирииһэ «Кантри стейк» ресторан шеф-поварыгар Денис Ильюшиҥҥа тигистэ. Кини Москубаҕа Palazzo Ducale рестораҥҥа стажировка ааһарыгар «Новые люди» баартыйаттан сэртипикээттэннэ.
«Төрүт технологиянан астааһын уонна саха норуоттарын национальнай бүлүүдэлэрин бэлэмнээһин» номинацияҕа CHUKCHA ресторан-бар уонна «Орто Дойду» ресторан хамаандалара кыайыылаахтарынан буоллулар. Бастакы кыайыылаах «дегустационнай сеты бастыҥ билиһиннэриитин иһин» номинацияҕа тигистэ, иккис кыайыылаах хамаанда - «национальнай үгэстэри тутуһуу иһин» номинациянан бэлиэтэннэ.
«Аныгы технология уонна саха норуотун култууратын, төрүт үгэстиринэн олохтоох бородууксуйаны туһаныы» диэн номинацияҕа «Кантри стейк», «Зеленый город» уонна «Кабинет» фри-фло рестораннара буоллулар. Бастакы кыайыылаах «дегустационнай сеты бастыҥ билиһиннэриитин иһин» номинацияҕа тигистэ, иккис кыайыылаах хамаанда - «ураты рецебин иһин», үһүс хамаанда - «ураты уонна аныгылыы дегустационнай сеты бастыҥ билиһиннэриитин иһин» бэлиэтэннэ.
«Олохтоох аһы-үөлү элбэхтик бииргэ туһамыттарын иһин» номинацияҕа «Зеленый город» ресторан шеф-повара Дмитрий Ким буолла. Кини профессиональнай оборудованиены атыылыыр «Кабаре» хампаанньаттан анал бирииһи ылла.
Санаттахха, «Саха Сирин амтана - 2023» гастрономическай бэстибээл Дьокуускайга сэтинньи 27 күнүттэн ахсынньы 3 күнүгэр диэри буолан ааспыта. Бэстибээли «Кыһын Саха Сириттэн саҕаланар» бэстибээл, САССР Атыыга-эргиэҥҥэ уонна бырамыысыланнаска норуот хамыссарыйаатын үбүлүөйдээх 100 сылын чэрчитинэн Саха Сирин ыалдьытымсах Ассоциациятын кытта Дьокуускайдааҕы дьаһалта уонна Туризмы сайыннарыы уонна территориальнай маркетинг ааҕыныстыба тэрийдилэр.
-
2
-
0
-
0
-
0
-
0
-
0
