Чэпчэтиилээх сөмөлүөт билиэттэрин атыылааһын сөргүтүлүннэ
Издательский дом Редакция Подписка
Погода в Якутске: . -2 oC

 Арктика улуустарын олохтоохторугар сөмөлүөккэ чэпчэтиилээх билиэттэри атыылааһыны сөргүтэргэ Ил Дархан  175 мөл солк харчыны хааччыйарыгар Бырабыыталыстыбаҕа сорудахтаата.

 Арктика улуустарын олохтоохторугар сөмөлүөккэ чэпчэтиилээх билиэттэри атыылааһыны сөргүтэргэ Ил Дархан  175 мөл солк харчыны хааччыйарыгар Бырабыыталыстыбаҕа сорудахтаата.


– Сөмөлүөтүнэн көтүүгэ чэпчэтиини көрөргө Арктика улуустарын олохтоохторо мэлдьи туруорсаллар. Онон чэпчэтиилээх билиэттэри атыылааһыны балаҕан ыйыттан сөргүтүөххэ наада, – диэтэ Айсен Николаев.
Бу сыалга 600 мөл солк ирдэнэриттэн, быйыл 425 мөл солк көрүллэн, Арктика улуустарын олохтоохторо балаҕан ыйын ортотугар диэри чэпчэтиинэн туһанар кыахтаммыттара. Көрүллүбүт харчы толору туһаныллан, чэпчэтиилээх билиэттэри атыылааһын тохтотуллубут.
Субсидиянан туһанааччылар кэрискэлэригэр Арктика 14 нэһилиэнньэлээх пууннарын (Белай Гора, Баатаҕай, Депутатскай, Жиганскай, Зырянка, Хонуу, Өлөөн, Саккырыыр, Сааскылаах, Орто Халыма, Черскэй, Чокуурдаах, Усть-Куйга) авиарейстэрэ киирэллэр. Быйыл бырагыраамаҕа кэккэ уларыйыы оҥоһуллан, субсидия сылы эргиччи көрүлүннэ, сааһынан хааччах тохтотулунна, биир хайысханан көтүүгэ кубуота 2-3 миэстэттэн 9-10 миэстэҕэ тиийэ элбэтилиннэ, ону сэргэ Арктика тустаах улууһугар чахчы олорор, пропискалаах, эрэ киһи чэпчэтиинэн туһанара олохтонно.

Ыспыраапка: «Дьокуускай – Баатаҕай» маршрутунан тирэх тарыып сыаната 22 900 солк., субсидиялаах тарыып – 9 100 солк. «Дьокуускай – Сааскылаах» маршрутунан: 36 565 уонна 14 600 солк., «Дьокуускай – Хонуу» маршрутунан: 24 855 уонна 9 900 солк. Тохсунньуттан балаҕан ыйыгар диэри ордук элбэх билиэт Баатаҕайга диэри атыыламмыт (чэпчэтиинэн 3 650 киһи туһаммыт). Бу курдук чэпчэтиилээх билиэттэринэн Тиксиигэ (3 002), Өлөөҥҥө (2 057), Чокурдаахха (1 874) киһи туһаммытын Ил Дархан уонна Бырабыыталыстыба пресс-сулууспата этэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости