Уолаттар иккиэн үс хас күн от охсубуттарын кэннэ, ааһан иһэр Туобуйа киһитэ икки оҕо түҥ ыраах сиргэ бэйэлэрэ эрэр оттуу сылдьалларын көрөн, бөһүөлэккэ илдьэ киирбит, кыраларын иһин аһыннаҕа буолуо. Охсубут сирдэрэ оннук сытан хаалбыт.
Кыһыары күһүн, хаар түспүтүн кэннэ, Сэмэн Оконосов тыаҕа сылдьан, уолаттар охсубут отторун сылгы ордук сөбүлээн хаһарын бэлиэтии көрбүт. Өссө эбиитин күөх кэнчээри ытырыылаах эбит. Кэлин олохтоохтор сылгы хаһан аһыыр сиригэр оту охсон баран хаалларар үгэстэммиттэр.
Туобуйа Балаҕаннааҕар олорор Алексеев Миисэ диэн Ыстапаан Уйбаанабыс инитэ быйыл ардахтаах сыл буолан ситэ оттообокко сылдьар сирин кыһын сылгыларын аһатаары, оннук охсон хаалларар санаалаах. Охсуллан баран хаар анныгар хаалбыт от суордун, каротинын сүтэрбэт, эбиитин кэнчээри ытырыыланан, сылгы хаһан аһыырыгар иҥэмтиэлээх буолар эбит. Сылгылаах дьон бу ньыманы туһаныахтарын сөп.
Степан ДМИТРИЕВ, Үөһээ Бүлүү, Балаҕаннаах
-
0
-
0
-
0
-
0
-
0
-
0
