Үлэни-хамнаһы сүрүннүүргэ суһал ыстаап тэриллэн, Кировскай куорат дьаһалтатын кытары ураты чорбототуллар соруктары быһаарбыттара, чөлүгэр түһэриллиэхтээх эбийиэктэр испииһэктэрин оҥорбуттара. Онно бастатан туран доруобуйа харыстабылын, үөрэхтээһин, сылааһынан, электроуотунан хааччыйыы эбийиэктэрэ, суол-иис ситимэ киллэриллибиттэрэ.
– Биһиги бэйэбит бүддьүөппүт кыаҕын иһинэн оскуолалары өрөмүөннээһиҥҥэ, уулуссалары чөлүгэр түһэриигэ көмөлөһүөхпүт. Экэниэмикэ эйгэтигэр бииргэ үлэлиэхпит. Бу ааспыт аҕыс сыл устатыгар Донбасска олох-дьаһах, оҥорор таһаарар үлэ чөлүгэр түһэриллибит, ол иһигэр биһиэхэ олус наадалаах хайа бырамыысаланнаһыгар туттуллар тэриллэри оҥорор собуот баар. Экэниэмикэ уонна култуура хайысхаларынан сибээһи сайыннарыыга кэскил улахан, – диэн Айсен Николаев этэн турар.
Ил Түмэн Бэрэссэдээтэлэ Алексей Еремеев салайааччылаах норуот дьокутааттара – Ил Түмэн Бэрэссэдээтэлин солбуйааччы Виктор Губарев итиэннэ мандаат уонна регламент хамыыһыйатын бэрэссэдэтэлэ, бүддьүөт кэмитиэтин чилиэнэ Андрей Дорогань Кировскай куоракка чөлүгэр түһэрэр үлэҕэ үп-харчы төһө көдьүүстээхтик туһанылларын быһаарар соруктаах тиийдилэр.
Саха парламенын оробуочай бөлөҕүн бырагыраамата киэҥ. Ол курдук, кинилэр Кировскай куорат баһылыга Сергей Ермаковы, ДНР Народнай Мунньаҕын дьокутааттарын кытары көрсүөхтээхтэр, 2-с №-дээх орто оскуолаҕа, музыкальнай оскуолаҕа, стадиоҥҥа, куораттааҕы киин балыыһаҕа, хочуолунайга сылдьыахтаахтар. Ыччат бульварыгар сылытар ситими сөргүтүүгэ ыытыллар үлэни билсиэхтээхтэр диэн Ил Түмэн пресс-сулууспата иһитиннэрэр.
-
0
-
0
-
0
-
0
-
0
-
0
